గతంలో కాంతారా, 2018 సినిమాలను డిస్ట్రిబ్యూట్ చేసి భారీ లాభాలను అందుకున్న ఈ నిర్మాత మహావతార నరసింహ సినిమాను కూడా డిస్ట్రిబ్యూషన్ చేసి భారీ లాభాలను సొంతం చేసుకుంటున్నారు. హరిహర వీరమల్లు సినిమాకు పోటీగా ఈ సినిమా విడుదల కాగా ఆ సినిమా కంటే ఈ సినిమాకే ఎక్కువ సంఖ్యలో టికెట్స్ బుక్ అవుతుండటం గమనార్హం. హోంబలే ఫిలిమ్స్ నిర్మాతలు యానిమేషన్ ఫిలిమ్స్ తో సైతం సత్తా చాటుతున్నారు.
కొన్ని ప్రాంతాలలో హరిహర వీరమల్లు సినిమాను సైతం తప్పించి ఈ సినిమాకు స్క్రీన్లు కేటాయిస్తున్నారని వార్తలు వస్తున్నాయి. చాలా తక్కువ మొత్తానికే అల్లు అరవింద్ ఈ సినిమా హక్కులను సొంతం చేసుకున్నట్టు తెలుస్తోంది. నిర్మాత అల్లు అరవింద్ కు మహావతార నరసింహ సినిమా రూపంలో వరం దక్కిందని అభిప్రాయాలు వ్యక్తమవుతున్నాయి. ఇప్పటివరకు ఈ సినిమాకు ప్రపంచవ్యాప్తంగా 22 కోట్ల రూపాయల నెట్ కలెక్షన్లు వచ్చాయి.
తెలుగు రాష్ట్రాల్లో మాత్రం ఈ సినిమాకు 8 కోట్ల రూపాయల నెట్ కలెక్షన్లు వచ్చాయి. సెకండ్ వీకెండ్ లో సైతం ఈ సినిమా దూకుడు కొనసాగే ఛాన్స్ అయితే ఉంది. టైర్2, టైర్3 ఏరియాలలో సైతం ఈ సినిమా కలెక్షన్ల విషయంలో అదరగొడుతూ ఉండటం గమనార్హం. డిస్ట్రిబ్యూషన్ విషయంలో అల్లు అరవింద్ కు తిరుగులేదని నెటిజన్ల నుంచి అభిప్రాయాలు వ్యక్తమవుతూ ఉన్నాయి. అల్లు అరవింద్ రేంజ్ అంతకంతకు పెరగాలని ఫ్యాన్స్ కోరుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి