ఈ సినిమా తర్వాత రవితేజ చేయబోయే నెక్స్ట్ ప్రాజెక్ట్పై ఇప్పటికే ఆసక్తికరమైన చర్చలు జరుగుతున్నాయి. ప్రముఖ నిర్మాణ సంస్థ పీపుల్ మీడియా ఫ్యాక్టరీతో మరోసారి చేతులు కలపడానికి రవితేజ సిద్ధమవుతున్నట్లు ఇండస్ట్రీ వర్గాల్లో బలంగా వినిపిస్తోంది.
గతంలో ఈ కాంబినేషన్లో ధమాకా (సూపర్ హిట్),ఈగిల్,మిస్టర్ బచ్చన్..వంటి సినిమాలు తెరకెక్కాయి. అయితే ‘మిస్టర్ బచ్చన్’ భారీ నష్టాలను మిగిల్చడం, ఆ సమయంలో నిర్మాత టీ.జీ. విశ్వ ప్రసాద్ చేసిన సంచలన వ్యాఖ్యలు పెద్ద చర్చకు దారి తీశాయి. అయినప్పటికీ, గతాన్ని పక్కనపెట్టి మళ్లీ కలిసి పని చేయాలని ఇరు వర్గాలు ముందుకు రావడం ఇప్పుడు సినీ వర్గాల్లో ఆసక్తికరంగా మారింది. ఈ నేపథ్యంలో ప్రముఖ దర్శకుడు సురేందర్ రెడ్డి రవితేజకు ఓ పవర్ఫుల్ ఐడియాను వినిపించినట్లు సమాచారం. ఈ కథపై చర్చలు ప్రస్తుతం పాజిటివ్ దిశలో సాగుతున్నాయని టాక్. ఈ ప్రాజెక్ట్ను పీపుల్ మీడియా ఫ్యాక్టరీ బ్యానర్పై టీ.జీ. విశ్వ ప్రసాద్ నిర్మించనుండగా, కథను ప్రముఖ రచయిత వక్కంతం వంశీ అందించనున్నారని తెలుస్తోంది.
అన్ని అనుకున్నట్లుగా కుదిరితే, వచ్చే ఏడాది ఈ సినిమాపై అధికారిక ప్రకటన వచ్చే అవకాశం ఉందని సమాచారం. అలాగే, షూటింగ్ను 2026 రెండో భాగంలో ప్రారంభించేందుకు మేకర్స్ ప్లాన్ చేస్తున్నారట.
సురేందర్ రెడ్డి – వక్కంతం వంశీ – రవితేజ కాంబినేషన్ అంటేనే భారీ అంచనాలు ఏర్పడటం సహజం. గతంలో ‘ఇడియట్’, ‘విక్రమార్కుడు’ లాంటి సినిమాలతో రవితేజ కెరీర్ను మరో స్థాయికి తీసుకెళ్లిన మాస్ ఇమేజ్ను మళ్లీ ఈ సినిమా తిరిగి తీసుకువస్తుందని ఫ్యాన్స్ గట్టిగా నమ్ముతున్నారు. ఈ ప్రాజెక్ట్ కనుక అనుకున్న విధంగా వర్క్ అవుట్ అయితే, రవితేజ ఖాతాలో ఒక బిగ్ మాస్ బ్లాక్బస్టర్ ఖాయం అని చెప్పాలి. ఇప్పటికే ఈ వార్త రవితేజ ఫ్యాన్స్కు పూనకాలు తెప్పిస్తుండగా, ఇందులో ఎంతవరకు నిజం ఉందో అధికారిక ప్రకటన వచ్చే వరకు వేచి చూడాల్సిందే. మొత్తానికి, మాస్ మహారాజా మరోసారి వెండి తెరపై తన సత్తా చాటేందుకు సిద్ధమవుతున్నాడు. రాబోయే రోజుల్లో ఈ ప్రాజెక్ట్పై మరిన్ని అప్డేట్స్ వస్తాయని ఆశిద్దాం..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి