కొన్ని బూతు డైలాగులు, రెండు మూడు హింసాత్మక విజువల్స్ మినహా పెద్దగా అడల్ట్ కంటెంట్ లేదు. అందుకే చాలామంది ఈ సినిమాకు యు/ఏ ఇచ్చినా సరిపోతుందని అభిప్రాయపడ్డారు. కానీ సెన్సార్ బోర్డు కోరిన కట్స్‌కు లోకేష్ కాంప్రమైజ్ కాలేదు. తాను ఫైనల్ చేసిన వెర్షన్‌ను రీలీజ్ చేయాలన్న పట్టుదల చూపించాడు. నిర్మాత కళానిధి మారన్, సూపర్‌స్టార్ రజనీకాంత్ కూడా ఈ నిర్ణయానికి గ్రీన్ సిగ్నల్ ఇచ్చారు. ఫలితంగా, కూలి “అడల్ట్స్ ఓన్లీ” ట్యాగ్‌తో థియేటర్లలోకి వచ్చింది. ఈ నిర్ణయం వల్ల 18 ఏళ్ల లోపు వాళ్లను మల్టీప్లెక్సుల్లోకి అనుమతించడం లేదు. రిలీజ్‌కి ముందే సోషల్ మీడియాలో ఈ ప్రకటన ఇచ్చినా, కొంతమంది తల్లిదండ్రులు పిల్లలతోనే థియేటర్లకు రావడం గమనార్హం.
ఆన్‌లైన్ బుకింగ్స్ వల్ల ఎగ్జిబిటర్లకు వద్దని చెప్పే అవకాశం లేకుండా పోయింది. డిస్ట్రిబ్యూటర్లు మాత్రం వేరే పాయింట్ చెబుతున్నారు – “సెన్సార్ చెప్పిన కట్స్, మ్యూట్స్ చేసి రీ-సెన్సార్ చేయించుకుంటే యు/ఏ వస్తుంది, కలెక్షన్లు ఇంకా పెరుగుతాయి.” కానీ ప్రస్తుత పరిస్థితుల్లో ఇది అసాధ్యమే. ఎందుకంటే సినిమాకి కలెక్షన్లు ఇప్పటికే బాగా వస్తున్నాయి, వర్డ్ ఆఫ్ మౌత్ స్ట్రాంగ్‌గా ఉంది. లోకేష్ కనగరాజ్ పంతం, రజనీ మద్దతు, మరియు సెన్సార్ “ఏ” స్టాంప్ – ఇవన్నీ కూలి చుట్టూ మరింత హైప్ క్రియేట్ చేశాయి. కంటెంట్ కంటే ఈ వివాదం సినిమాకి మాస్ పుల్‌ను పెంచిందనే అభిప్రాయం కూడా ఇండస్ట్రీలో వినిపిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి