కన్నడ సినీ నటి, కాంగ్రెస్ మాజీ ఎంపీ రమ్యకు అశ్లీల మెసేజ్లు పంపిన కేసులో కర్ణాటక పోలీసులు ఈరోజు 12 మంది పైన చార్జి షీటు దాఖలు చేసినట్లు తెలుస్తోంది. ఏకంగా 380 పేజీల చార్జిషీట్ ను కోర్టులో దాఖలు చేయగా ఇందులో 12 మందిని నిందితులుగా చేర్చినట్లు CCB అధికారులు తెలియజేస్తూ.. 45 వ అదనపు చీఫ్ జ్యుడీషియల్ మెజిస్ట్రేషన్ కోర్టుకు 380 పేజీలకు సంబంధించి నివేదికలను కూడా సమర్పించారు. అయితే ఈ కేసులో ప్రధాన నిందితులుగా కన్నడ సూపర్ స్టార్ దర్శన్, అతని స్నేహితురాలు పవిత్ర గౌడ పేర్లు ఉండడం గమనార్హం.



ఇందులో పవిత్ర గౌడ మొదటి నిందితురాలిగా ఉండగా, A 2 గా దర్శన్ ఉన్నారు. ప్రస్తుతం ఇద్దరు కూడా బెంగళూరు సెంట్రల్ జైల్లో ఉన్నట్లు తెలిసిందే. అభిమానిని హత్య చేసిన కేసులో ఈ ఇద్దరు నిందితులుగా ఉన్నారు. ఈ విషయం పై ఆ బాధితుడి కుటుంబానికి న్యాయం జరగాలంటు నటి రమ్య సోషల్ మీడియా వేదికగా ఒక పోస్ట్ ని షేర్ చేయగా , దీంతో దర్శన్ అభిమానులు, రమ్యను చాలా దారుణంగా ట్రోల్ చేయడమే కాకుండా అసభ్యకరమైన పదజాలంతో కామెంట్స్ చేయడమే కాకుండా కొంతమంది బెదిరించారు.

ఈ విషయం పైన రమ్య జులై 28న బెంగళూరు పోలీస్ స్టేషన్లో ఫిర్యాదు చేసింది. సోషల్ మీడియాలో ఇలాంటి బెదిరింపులు చేసే వారిపైన చర్యలు తీసుకోవాలంటు కోరడంతో 43 మంది సోషల్ మీడియా ఖాతాదారుల పైన ఫిర్యాదు చేశారు. ఈ విషయంపై పోలీసులు దర్యాప్తు చేయగా , 12 మందిని అరెస్టు చేశారు. ఇందులో హీరో దర్శన్ అభిమానులే అందరూ ఉన్నట్లు విచారణలో తెలియజేశారు. నటి రమ్య స్టేట్మెంట్, నిందితులుగా ఉన్న 12 మంది స్టేట్మెంట్లను చార్జిషీట్లో జత చేసినట్లు అధికారులు తెలియజేశారు. ప్రస్తుతం ఈ 12 మందిలో నలుగురు జైలులో ఉన్నారని మిగిలిన వారికి బెయిల్ లభించింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

ACTRESS RAMYA HARASSMENT DARSHAN FANS CASE FILE 12 MEMBERS ARRESTED

Divya

09/10/2025 06:49 PM