మరికొన్ని గంటల్లో 'బాహుబలి: ది ఎపిక్ మూవీ' థియేటర్లలో రీ-రిలీజ్ కానుంది. ఈ సినిమా కోసం ప్రేక్షకులు సైతం ఒకింత ఆసక్తిగా ఎదురుచూస్తున్నారు. ముఖ్యంగా, 3 గంటల 43 నిమిషాల నిడివితో ఈ చిత్రం రీ-రిలీజ్ అవుతుండటం సినీప్రియుల్లో ఉత్సాహాన్ని నింపుతోంది.
సాధారణంగా పాత సినిమాలు మళ్లీ విడుదలైనప్పుడు కనిపించే స్పందన కంటే, 'బాహుబలి'కి ఊహించని స్థాయిలో రెస్పాన్స్ వస్తుండటం విశేషం. ఈరోజు సాయంత్రం నుంచే ఈ సినిమాకు సంబంధించిన ప్రీమియర్లు ప్రదర్శితం కానున్నాయి. ప్రేక్షకులకు భారం కాకుండా, సాధారణ టికెట్ రేట్లతోనే ఈ సినిమా రీ-రిలీజ్ అవుతుండటం విశేషం. 'బాహుబలి' ఫ్యాన్ బేస్ ను పెంచాలనే ఉద్దేశంతోనే ఈ సినిమాను రీ-రిలీజ్ చేస్తున్నామని దర్శకుడు రాజమౌళి (జక్కన్న) పేర్కొన్నారు. అయితే, కేవలం యథాతథంగా విడుదల చేయకుండా, ఆయన కొన్ని కీలక మార్పులు చేశారు.
సినిమాలో అవంతిక లవ్ ట్రాక్ మొత్తం కట్ చేశామని రాజమౌళి స్పష్టం చేశారు. అంతేకాకుండా, ప్రేక్షకాదరణ పొందిన 'పచ్చ బొట్టేసినా' సాంగ్ కూడా ఉండదని జక్కన్న పేర్కొన్నారు. అయితే, శివుడి పాత్ర రాజభవనంలోకి ఎంటర్ అయినప్పుడు ఒక కొత్త సీన్ ఉంటుందని, ఆ సీన్‌ను మాత్రమే యాడ్ చేశానని రాజమౌళి తెలిపారు. ప్రస్తుతం ఉన్న ట్రెండ్‌కు అనుగుణంగా సినిమా నిడివిని తగ్గించి, కథాంశంపై మరింత దృష్టి పెట్టేందుకు జక్కన్న ఈ నిర్ణయాలు తీసుకున్నట్టు తెలుస్తోంది. యాక్షన్, డ్రామాను హైలైట్ చేస్తూ, లవ్ ట్రాక్‌ను తగ్గించడం వల్ల సినిమా వేగం పెరుగుతుందన్నది ఆయన ఉద్దేశంగా కనిపిస్తోంది.
అయితే, జక్కన్న చేసిన ఈ మార్పులు రీ-రిలీజ్ వెర్షన్ విజయానికి ఎంతమేర ప్లస్ అవుతాయో, ముఖ్యంగా ఫ్యాన్స్‌కు ఇష్టమైన పాట, సన్నివేశాలు లేకపోవడం ఎలాంటి స్పందనను తెచ్చిపెడుతుందో చూడాల్సి ఉంది.
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్రజల సమస్యలు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త సమస్యలు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి