“బిల్డర్ హ్యాండ్‌ఓవర్ చేసేశాడు… ప్రొడ్యూసర్ హ్యాపీ… డైరెక్టర్ హ్యాపీ… టైల్స్ వేస్తున్నారు… మెలోడీ నాదే, బీట్ కూడా నాదే” అని చెప్పిన మాటలు హాల్‌లో ఉన్న అందరికీ నవ్వులు తెప్పించాయి. ‘శృతి నాదే… గన్ను నాదే’ అని మహేష్ స్టైల్‌లో చెప్పడం ఆయనకే ప్రత్యేకమైన ఎంటర్టైన్‌మెంట్. కీరవాణి తర్వాత స్టేజ్‌పైకి వచ్చిన పృథ్వీరాజ్ సుకుమారన్ కూడా ‘పోకిరి’కి సంబంధించిన ఓ మధురమైన జ్ఞాపకాన్ని షేర్ చేశారు. “నేను థియేటర్‌లో చూసిన మొదటి తెలుగు సినిమా ‘పోకిరి’” అని ఆయన చెప్పగానే అభిమానులు చప్పట్లతో హాల్‌ని మార్మోగించారు. ‘వారణాసి’ చిత్రానికి డైలాగులు రాస్తున్న దర్శకుడు దేవా కట్టా కూడా పూరి ప్రభావం నుంచి బయట పడలేకపోయారు. యాంకర్ సుమ అడిగిన ప్రశ్న— “మహేష్ సినిమాల్లో మీకు ఇష్టమైన డైలాగ్ ఏది?” వెంటనే ఆయన బయటపెట్టిన సమాధానం — “ఎవడు కొడితే దిమ్మ తిరిగి మైండ్ బ్లాక్ అవుతుందో వాడే పండుగాడు!” అని ‘పోకిరి’ డైలాగ్ చెప్పేశారు. మహేష్ మాటల్లోనూ, కీరవాణి వాక్యాల్లోనూ, దేవా కట్టా స్పందనలోనూ — మొత్తం ఈవెంట్‌లో ‘పోకిరి వైబ్’ బలంగా నిండిపోయింది.
అదే విధంగా ‘వారణాసి’ టైటిల్ గ్లింప్స్ ఈవెంట్‌లో మహేష్ బాబు కూడా చివరిగా మాట్లాడారు. ఆయన స్పీచ్ చాలా చిన్నది — కానీ ఇంపాక్ట్ మాత్రం అద్భుతం. కేవలం కొన్ని సెకన్లలోనే అభిమానుల్లో గూస్‌బంప్స్ పుట్టించారు. “అప్డేట్ అప్డేట్ అని అడిగారుగా! ఎలా ఉంది? దిమ్మ తిరిగి మైండ్ బ్లాక్ అయ్యింది నాక్కూడా!” అంటూ ‘పోకిరి’ డైలాగ్‌ను కాస్త మార్చి చెప్పేసరికి అభిమానులు ఉత్సాహంతో కేకలు పెట్టారు.
ఈవెంట్ మొత్తం చూస్తే… ‘వారణాసి’ అంటే పూరి జగన్నాథ్ సినిమా కాదు. ఆయన ఈవెంట్‌కి రాలేదు. కానీ ఆశ్చర్యమేమిటంటే — స్టార్ట్ నుంచి ఎండ్ వరకు ప్రతి వక్త మాటల్లోనూ పూరి జగన్నాథ్ ప్రభావం ఘోషలా వినిపించింది. ఆయన కలం శక్తి, ఆయన హీరోయిజం ఎలివేషన్ టచ్ ఇంకా పరిశ్రమలో ఎంత డీప్‌గా ఉన్నాయో రుజువైంది. తెలుగు సినిమాల్లో డైలాగ్ రైటింగ్‌కు ఒక ప్రత్యేక రూట్ ఉన్నట్లయితే అది పూరి జగన్నాథ్ స్టైల్. హీరోయిజాన్ని ఎలివేట్ చేయడంలో, ప్రేక్షకుల్లో మాస్ ఇంపాక్ట్ క్రియేట్ చేయడంలో ఆయనకే ప్రత్యేకమైన ఫ్యాన్ ఫాలోయింగ్ ఉంది. ఈవెంట్‌లో పలువురు సెలబ్రిటీలు ఇచ్చిన రిఫరెన్సుల వల్ల ఇప్పుడు పూరి అభిమానుల్లో ఒక్క కోరిక మాత్రమే పెరిగింది —“పూరి జగన్నాథ్ స్ట్రాంగ్ కమ్ బ్యాక్ ఇవ్వాలి!”
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి