విద్యార్థులను ఉద్దేశించి శర్వానంద్ మాట్లాడుతూ—“జీవితంలో దేనికీ భయపడకండి. మనం తీసుకునే ధైర్యమైన అడుగులే మన భవిష్యత్తును నిర్ణయిస్తాయి. నీ జీవితం, నీ ఇష్టం. నీ పుస్తకం నీది… పెన్ను నీది… కథ నీది. నీ కథను నువ్వు కోరుకున్నట్లుగా రాయగలిగేది నీకే సాధ్యం’’ అని పేర్కొన్నారు.తన జీవిత ప్రయాణం గురించి కూడా ఓపెన్‌గా మాట్లాడిన శర్వా—“నేను కూడా నా జీవితంలో ఎంతోమంది ఎదుర్కొనినట్లే ఎన్నో ఇబ్బందులను ఎదుర్కొన్నాను. ఎన్నిసార్లో ఓడిపోయాను, కిందపడిపోయాను, మోసపోయాను. కానీ ప్రతి సారి లేచినప్పుడు కొత్తగా ఏదో నేర్చుకున్నాను. జీవితమంటే అదే… పడినా లేచే మనోబలం” అని చెప్పారు.
శర్వానంద్ ఇలా ‘‘మోసపోయాను… ఓడిపోయాను’’ అంటూ మాట్లాడటంతో, కొంత మంది నెట్‌జన్లు ఇది ఆయన విడాకుల విషయాన్నే సూచిస్తున్నారా? అని చర్చ మొదలుపెట్టారు. అయితే ఆయన ప్రసంగం మొత్తాన్ని చూస్తే, శర్వా వ్యక్తిగత జీవితాన్ని కాకుండా, సాధారణంగా ప్రతి మనిషి ఎదుర్కొనే సమస్యలు, జీవిత పాఠాల గురించి చెప్పారని అనిపిస్తోంది.ఇలా యువతకు సానుకూలంగా, ధైర్యం కలిగించే సందేశాలను పంచుకున్న శర్వానంద్ వీడియోలు సోషల్ మీడియాలో భారీగా వైరల్ అవుతున్నాయి. ఇక ‘‘బైకర్’’ సినిమాపై ఇప్పటికే మంచి హైప్ ఏర్పడగా, శర్వానంద్ ఇచ్చిన ఈ భావోద్వేగ ప్రసంగం సినిమాపై మరింత ఆసక్తిని పెంచుతున్నది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి