ప్రస్తుతం తెలుగు సినీ పరిశ్రమలో అత్యంత వేగంగా సినిమాలను నిర్మిస్తున్న నిర్మాణ సంస్థలలో మైత్రి మూవీస్ నిర్మాణ సంస్థ ఒకటి. నవీన్ , రవి శంకర్ ఈ బ్యానర్ పై సినిమాలను నిర్మిస్తున్నారు. ఇప్పటివరకు ఈ నిర్మాణ సంస్థ వారు తెలుగు సినీ పరిశ్రమలో ఉన్న దాదాపు అందరూ స్టార్ హీరోలతో సినిమాలను నిర్మించారు. అలాగే ఎంతో మంది మీడియం రేంజ్ హీరోలతో , చిన్న హీరోలతో కూడా సినిమాలను నిర్మించారు. ఇకపోతే ప్రస్తుతం కూడా ఈ నిర్మాణ సంస్థ వారు అనేక సినిమాలను నిర్మిస్తున్నారు. కొన్ని సంవత్సరాల క్రితం సుకుమార్ "రంగస్థలం" అనే సినిమాను రూపొందించిన విషయం మనకు తెలిసిందే. ఈ సినిమాను మైత్రి సంస్థ వారు నిర్మించారు. ఇక సుకుమార్ "రంగస్థలం" సినిమా దగ్గర నుండి మైత్రి సంస్థ లోనే సినిమాలను నిర్మిస్తూ వస్తున్నాడు.

సుకుమార్ తన తదుపరి మూవీ ని రామ్ చరణ్ తో చేయబోతున్నాడు. ఇప్పటికే ఈ సినిమాకు సంబంధించిన అధికారిక ప్రకటన కూడా వెలువడింది. ఈ మూవీ ని కూడా మైత్రి సంస్థ లోనే నిర్మించబోతున్నాడు. మైత్రి సంస్థ వారు చరణ్ తో చేయబోయే సినిమా తర్వాత సుకుమార్ చేయబోయే సినిమాను కూడా ఈ బ్యానర్ వారే నిర్మించబోతున్నట్లు తెలుస్తోంది. ఇప్పటికే సుకుమార్ , అల్లు అర్జున్ హీరో గా రూపొందిన పుష్ప పార్ట్ 1 , పుష్ప పార్ట్ 2 అనే సినిమాలకు దర్శకత్వ వహించి అద్భుతమైన విజయాలను అందుకున్న విషయం మనకు తెలిసిందే. పుష్ప పార్ట్ 3 మూవీ ని చరణ్ మూవీ తర్వాత మొదలు పెట్టనున్నట్లు , ఆ మూవీ ని కూడా మైత్రి సంస్థ వారే నిర్మించనున్నట్లు తెలుస్తోంది. ఇలా మైత్రి సంస్థ వారు సుకుమార్ తో వరుస పెట్టి సినిమాలను నిర్మిస్తూ రావడానికి పెద్ద ప్లాన్ వేసుకున్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

25/11/2025 01:39 PM