స్టోరీ:
కర్మ రిటర్న్ అనే పాయింట్ తోనే ఈ సినిమాని తెరకెక్కించినట్టుగా కనిపిస్తోంది. రివాల్వర్ రీటా స్టోరీ మొత్తం కూడా పాండిచ్చేరిలో జరుగుతుంది. ఏపీ నుంచి పాండిచ్చేరికి వెళ్లిన జయసింహారెడ్డి తలను లోకల్ డాన్ డ్రాకులా పాండ్యన్ (సూపర్ సుబ్బరాయన్) నరికేస్తారు. తన బలం ఆధిపత్యాన్ని తెలియజేస్తూ ఆ తలని అతని సోదరుడైన రెడ్డి (అజయ్ ఘోష్) కి పంపుతారు. దీంతో డ్రాకులా పాండ్యన్ పై పగ తీర్చుకోవాలని రెడ్డి సమయం కోసం ఎదురు చూస్తుంటారు. అలా 15 ఏళ్ల తర్వాత పాండ్యన్ కుమారుడు బాబి (సునీల్) అండర్ వరల్డ్ డాన్ గా పేరు సంపాదిస్తారు. పాండ్యన్ అమ్మాయిలు అంటే పిచ్చి ఉండడంతో రెడ్డి వేసిన ట్రాప్ లో చిక్కి మరి ప్రాణాలు కోల్పోతారు. అయితే పాండ్యన్ ప్రాణాలు రీటా (కీర్తి సురేష్), తల్లి చల్లమ్మ (రాధిక శరత్ కుమార్) వల్ల పోతాయి. పాండిచ్చేరికే డాన్ అయిన పాండ్యన్ శవాన్ని వదిలించుకొనే క్రమంలో రీటా కుటుంబానికి ఎదురైన ఇబ్బందులు ఏంటి? పాండ్యన్ రీటా ఇంటికి ఎందుకు వెళ్లారు? అక్కడ ఎందుకు చనిపోవాల్సి వచ్చింది? తన తండ్రిని చంపిన వీరిని బాబి ఏం చేస్తారు అనేది ఈ సినిమా కథ.
సినిమా విశ్లేషణ:
అయితే ఇలాంటి క్రైమ్ కామెడీ సినిమాలు ఇప్పటికే చాలానే వచ్చాయి. కీర్తి సురేష్ నటించిన రివాల్వర్ రీటా సినిమా కూడా అలాంటిదే. చివరి క్లైమాక్స్లో కర్మ అనేది తిరిగి వస్తుందని పాయింట్ ను జత చేసి లింకు చేశారు డైరెక్టర్.
సినిమా మొదటి భాగం అంత రీటా, ఆమె కుటుంబం డాన్ గోలతోనే సరిపోతుంది.
సెకండ్ హాఫ్ లో కొంతమేరకు సాగదీసినట్టుగా కనిపిస్తోంది. ఈ చిత్రంలో ట్విస్టులు ముందుగానే ఊహించేలా కనిపిస్తున్నాయి.
అక్కడక్కడ కామెడీ వర్కౌట్ అయిన రొటీన్ కథ అవ్వడం వల్ల ఒకసారి చూసేయొచ్చు.
నటీనటుల నటన:
కీర్తి సురేష్ టైటిల్ పాత్రలో అద్భుతంగా నటించింది. రాధిక శరత్ కుమార్ కూడా తన డైలాగ్ స్, టైమింగ్ తో సీరియస్ లో కూడా నవ్విస్తుంది. సునీల్ కూడా తన నెగటివ్ షేడ్లో సరికొత్తగా అలరించారు. నటుడు అజయ్ ఘోష్ తన పాత్రలో మెప్పించారు. సూపర్ సుబ్బరాయన్ తన పాత్రకి బాగా సెట్ అయ్యారు. ఈ సినిమాకి రొటీన్ కథ కావడమే మైనస్ గా మారింది.
రివాల్వర్ రీటా సినిమాలో బ్యాక్ గ్రౌండ్ మ్యూజిక్ , విజువల్స్ బాగానే ఆకట్టుకున్నాయి.
మొత్తానికి రివాల్వర్ రీటా మూవీ హీరోయిన్ చుట్టూ తిరిగి ఒక రొమాంటిక్ క్రైమ్ కామెడీ.
రేటింగ్:
2.5/5
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి