డైరెక్టర్ సందీప్ రెడ్డి వంగా, ప్రభాస్ కాంబినేషన్లో వస్తున్న పాన్ ఇండియా చిత్రం స్పిరిట్. ఈ సినిమా అనౌన్స్మెంట్ చేసినప్పటి నుంచి భారీగా అంచనాలు పెరిగిపోయాయి. యాక్షన్ కాఫ్ డ్రామా గా వస్తున్న చిత్రంలో హీరోయిన్గా త్రిప్తి దిమ్రి ను ఎంపిక చేశారు. అలాగే ఇందులో మరొక కీలకమైన పాత్రలో బాలీవుడ్ స్టార్ హీరోయిన్ ని ఎంపిక చేసినట్లుగా వార్తలు వినిపిస్తున్న నేపథ్యంలో ఆ హీరోయిన్ ఈ విషయం పైన క్లారిటీ ఇచ్చింది.


హీరోయిన్ ఎవరో కాదు స్టార్ హీరోయిన్ కరీనాకపూర్. ఈ విషయం పైన మాట్లాడుతూ తాను స్పిరిట్ సినిమాలో నటించలేదని తెలియజేసింది. కానీ బాలీవుడ్ లో వినిపిస్తున్న వార్తల ప్రకారం ఈ చిత్రంలో సీనియర్ నటి కాజోల్ ను ఈ సినిమాలో ఒక కీలకమైన పాత్ర కోసం అప్రోచ్ అయినట్టుగా టాక్ వినిపిస్తోంది. తనకు కూడా పాత్ర నచ్చడంతో కాజోల్ కూడా గ్రీన్ సిగ్నల్ ఇచ్చే అవకాశాలు ఎక్కువగా ఉన్నట్లు వినిపిస్తున్నాయి.


కాజోల్ గతంలో కూడా రెండు తమిళ చిత్రాలలో నటించింది కానీ ఇప్పటివరకు తెలుగు సినిమాలలో నటించలేదు. బాలీవుడ్ లో కాజోల్ కు ఉన్న క్రేజ్ , నటన వల్ల ఇప్పటికి పలు సినిమాలలో నటిస్తూనే ఉంది. అందుకే స్పిరిట్ సినిమాలో కాజోల్ పాత్ర ఉంటే ఈ సినిమాకి ప్లస్ అవుతుందని అభిమానులు భావిస్తున్నారు. ఇక డైరెక్టర్ సందీప్ రెడ్డి వంగా కూడా పాత్రలను డిజైన్ చేయడంలో కూడా స్పెషలిస్ట్ అని చెప్పవచ్చు. ఇప్పటికే ఇందులో బాలీవుడ్ నటుడు వివేక్ ఒబేరాయ్  నటిస్తున్నట్లుగా ప్రకటించారు. ప్రభాస్ పుట్టినరోజు సందర్భంగా విడుదల చేసిన ఆడియో సౌండ్ కి కూడా భారీ రెస్పాన్స్ లభించింది. ఇప్పుడు కాజోల్ పేరు వినిపిస్తూ ఉండడంతో ఈ సినిమా పైన మరింత అంచనాలు పెరిగిపోతున్నాయి. మరి ఈ విషయంపై ఎవరు క్లారిటీ ఇస్తారో చూడాలి.

మరింత సమాచారం తెలుసుకోండి: