శబరిమల భక్తుల కు కరోనా పరీక్ష లు
శబరిమల చేరే 24 గంటలలోపు కొవిడ్‌ నిర్ధారణ పరీక్ష చేయించుకుని, లేదని తేలినవారు మాత్రమే బయలుదేరి రావాలని కేరళ ప్రభుత్వం కోరింది. రోడ్డుమార్గాల్లో వెళ్లేవారిని ఆ రాష్ట్ర సరిహద్దుల్లో.. ఇంకా రైల్వేస్టేషన్‌లో, విమానాశ్రయాల్లో నిలిపి ధ్రువీకరణ పత్రాలు పరిశీలిస్తున్నారు. శబరిమల ఆన్‌లైన్‌ డాట్‌ ఆర్గ్‌ వెబ్‌సైట్‌లో నమోదు చేసుకున్న వర్చువల్‌ క్యూ ధ్రువీకరణ పత్రం, ఆధార్‌, కొవిడ్‌ పరీక్ష ఫలితం, ఫోన్‌ నంబరు నమోదు చేసుకుని వదులుతున్నారు. కరోనా ధ్రువపత్రం లేకుంటే రూ.625 రుసుముతో నిర్ధారణ పరీక్ష అక్కడే చేయించి.. నెగెటివ్‌గా తేలితేనే అనుమతిస్తున్నారు. వేర్వేరు మార్గాల్లో పంబకు చేరే వీలున్నందున, ప్రైవేటు వాహనాలు పార్కింగు చేసే నీలక్కల్‌కు 20 కిలోమీటర్ల ముందు, నీలక్కల్‌ నుంచి పంబకు వెళ్లే బస్టాండు వద్ద, పంబ నుంచి శబరి నడకయాత్ర (చిన్నపాదం) ప్రారంభమయ్యే గణపతి ఆలయం వద్ద కూడా ఈ పరిశీలనలు సాగుతున్నాయి
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి