సోనియా గాంధీ మనసులో ఉన్న విషయాన్ని ఆచరణలో పెట్టి, అందులో భాగంగానే ఒక సాధ్వి ప్రాచీ అరెస్ట్ దగ్గరనుండి మొదలయింది. ఆ తరువాత కల్నల్ పురోహిత్ ని అడ్డం పెట్టుకుని హిందూ తీవ్రవాదం అనే పదాన్ని హైలైట్ చేస్తూ వచ్చింది కాంగ్రెస్ పార్టీ. దీనికి ప్రతీకారంగానే ఆరెస్సెస్ ఒక బలమైన నాయకుడిని ప్రధాని నరేంద్ర మోదీ రూపంలో ముందుకు తీసుకు వచ్చింది. ఈయన దెబ్బతో సోనియా గాంధీ, రాహుల్ గాంధీ మరియు ప్రియాంక గాంధీ వాద్రా కేసులో బెయిల్ మీద ఉన్నారు. అయితే ఇదే విధంగా ఏపీలో జగన్ మోహన్ రెడ్డి ప్రతీకారంగా వ్యహరిస్తున్నారు. అప్పట్లో చంద్రబాబు నాయుడు..కాంగ్రెస్ లోని చిదంబరం మరియు సోనియా గాంధీలతో కలిసి తనను అరెస్ట్ చేయించారనే కసితో ఉన్నాడు.
దానితో ఇప్పుడు చంద్రబాబును మరియు లోకేష్ లను అరెస్ట్ చేసి జైల్లో పెట్టాలని ప్రయత్నిస్తున్నాడు. అయితే ఇలా చేయడం వలన చంద్రబాబుకు ప్రజల్లో సానుభూతి ఏర్పడే అవకాశం ఉంది. ఇప్పటికే చాలా మంది టీడీపీ ముఖ్య నాయకులను కేసుల పేరుతో అరెస్టులు చేయడం జరిగింది. మిగతా నాయకులు కావొచ్చు అరెస్ట్ అయిన వాళ్ళు కావొచ్చు పార్టీని వీడడం లేదు. ఎందుకంటే ఇలాంటి కేసుల నుండి బయటపడాలంటే న్యాయపరంగా అన్నీ తెలిసిన చంద్రబాబు నాయుడు తోనే కొనసాగాలి. మరి జగన్ అనుకున్నట్లు చేయగలుగుతాడా...? లేదా తెలియాల్సి ఉంది.