కర్ణాటక లోని హోలేనరిసిపుర ఎమ్మెల్యే హెచ్డి రేవణ్ణ కుమారుడు మాజీ ఎంపీ ప్రజ్వల్ రేవణ్ణ అంటే తెలియని వారు ఉండరు. ఈయన రాజకీయాల కంటే ఎక్కువగా లైంగిక అత్యాచార వేధింపుల వల్లే ఎక్కువ వార్తల్లో నిలిచారు. గత 14 నెలల ముందు ప్రజ్వల్ రేవణ్ణ పై ఆయన ఫామ్ హౌస్ లో పనిచేసే 47 ఏళ్ల పనిమనిషి రేప్ కేస్ పెట్టిన సంగతి మనకు తెలిసిందే.అప్పట్లో ఈ విషయం దేశవ్యాప్తంగా ఎంత పెద్ద సంచలనం సృష్టించిందో ప్రత్యేకంగా చెప్పనక్కర్లేదు. కర్ణాటకలో లోక్సభ ఎలక్షన్స్ ముగిసిన తర్వాత రోజే ఈ విషయం వెలుగులోకి వచ్చింది. అయితే ఈయన పై రేప్ కేసు పెట్టిన పనిమనిషి మాత్రమే కాకుండా చాలామంది అమ్మాయిలు జీవితాలతో ప్రజ్వల్ రేవణ్ణ ఆడుకున్నాడని, దానికి సంబంధించిన వీడియోలు కూడా పెన్ డ్రైవ్ లో ఉన్నట్టు గుర్తించారు.

అంతేకాదు అమ్మాయిలకు పోర్న్ వీడియోలు చూపిస్తూ వారితో అసభ్యకరంగా ప్రవర్తించారంటూ ఆరోపణలు ఉన్నాయి.అయితే తాజాగా 47 ఏళ్ల పనిమనిషి రేప్ చేసిన కేసులో ప్రజ్వల్ రేవణ్ణనీ దోషిగా ప్రకటించింది స్పెషల్ కోర్ట్. గత 14 నెలల నుండి కొనసాగుతున్న కేసుకి తుది తీర్పు ప్రకటించింది.అయితే జూలై 30న ఈ తీర్పు వెలువడనుండగా ఆగస్టు 1కి వాయిదా వేశారు.అలా ఈరోజు ప్రజ్వల్ రేవణ్ణని దోషిగా తేల్చారు. అయితే 14 నెలల నుండి ఇరు వైపులా ఉన్న న్యాయవాదుల విచారణలను దృష్టిలో పెట్టుకున్న కోర్టు తాజాగా ఆయనను దోషిగా నిర్ధారించింది.. కేసు విచారణ జరుగుతున్న తరుణంలో బాధితురాలు భౌతిక సాక్ష్యంగా ప్రజ్వల్ రేవణ్ణ రేప్ చేసిన రోజు కట్టుకున్న చీరను సమర్పించింది.అయితే ఆ చీరను అలాగే జాగ్రత్తపరిచి ఫోరెన్సిక్ ల్యాబ్ కి పంపించగా ఆ చీర మీద ఉన్న స్పెర్మ్ ప్రజ్వల్ రేవణ్ణదేనని ఫోరెన్సిక్ వాళ్ళు నిర్ధారించారు. 

అయితే దీనికి సంబంధించిన సాక్షాన్ని కోర్టులో సమర్పించడంతో అత్యాచారం చేశాడు అనేదానిలో ఈ చీర కీలక సాక్ష్యంగా మారింది. ఇన్స్పెక్టర్ శోభ నేతృత్వంలోని సిఐడి ప్రత్యేక దర్యాప్తు బృందం దర్యాప్తు సమయంలో దాదాపు 153 ఆధారాలను సేకరించి 2వేల పేజీల భారీ చార్జ్ షీట్ ని సమర్పించింది. ఇక గత ఏడాది డిసెంబర్ 31 నుండి 7 నెలల్లో కోర్టు 23 మంది సాక్ష్యులను విచారించి,వీడియో క్లిప్పులు ఫోరెన్సిక్స్ సైన్స్ లాబరేటరీ నివేదికలను అలాగే నేరం జరిగిన ప్రదేశం నుండి స్పాట్ ఇన్స్పెక్షన్ నివేదికలను సమీక్షించి చివరిగా ప్రజ్వల్ రేవణ్ణని దోషిగా నిర్ధారించింది. ఇక ప్రజ్వల్ రేవణ్ణ దోషిగా తేలడంతో ఆయనపై IPc సెక్షన్లు 376(2)(k) మరియు 376(2)(n) ప్రకారం కనీసం 10 ఏళ్ల జైలు శిక్ష లేదా జీవిత ఖైదు వరకు కూడా పొడగించే అవకాశం ఉన్నట్టుతెలుస్తోంది.అయితే ప్రజ్వల్ రేవణ్ణని దోషిగా నిర్ధారించిన స్పెషల్ కోర్టు శనివారం  రోజు శిక్ష ను  ప్రకటించబోతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MP RAJWAL REVANNA RAPE CASE KARNATAKA SPECIAL COURT PRAJWAL REVANNA GUILTY

Pandrala Sravanthi

01/08/2025 03:27 PM