రవిచంద్రన్ అశ్విన్ మరోసారి తన బ్యాట్ కు పని చెప్పి ఆశ్చర్యపరచగా.. ఇక కుల్దీప్ యాదవ్ అదిరిపోయే రీ ఎంట్రీ ఇచ్చి ప్లేయర్ ఆఫ్ ది మ్యాచ్ కూడా అందుకున్నాడు. అయితే ఇక అందరూ ఇలా 2022 ఏడాదిలో సరిపడా మెమోరీస్ ని సంపాదించారు. కానీ టీమ్ ఇండియాలో ఇటీవలే బ్యాకప్ వికెట్ కీపర్ గా ఎంపికైన తెలుగు ఆటగాడు కేఎస్ భరత్ మాత్రం రిజర్వ్ బెంచ్ కే పరిమితం అయ్యి నిరాశలో మునిగిపోయాడు అని చెప్పాలి. రిషబ్ పంత్ వికెట్ కీపర్ కం బ్యాట్స్మెన్ గా ఉండడంతో భరత్ కు అవకాశాలు రాలేదు. ఈ యంగ్ ప్లేయర్ జట్టుతో ఉన్న అరంగేట్రం మ్యాచ్ కోసం మాత్రం ఎన్నో రోజుల నుంచి ఎదురుచూస్తూ ఉన్నాడు అని చెప్పాలి. బంగ్లాదేశ్ లాంటి చిన్న జట్టుపై ఆడేందుకు తుదిజట్టులో అవకాశం లభిస్తుందని ఆశలు పెట్టుకున్నాడు. కానీ రెండు మ్యాచ్ల్లో కూడా నిరాశ ఎదురయింది.
అయితే దేశ వాలి క్రికెట్లో ఇతను అత్యుత్తమ గణాంకాలను నమోదు చేస్తూ ఉన్నాడు అని చెప్పాలి. 2013లో ఆంధ్రప్రదేశ్ జట్టు తరఫున అరంగేట్రం చేశాడు. ఇప్పటివరకు 83 ఫస్ట్ క్లాస్ మ్యాచ్ లలో 4,500 పరుగులు చేశాడు. ఇందులో తొమ్మిది సెంచరీలు 25 ఆర్ద సెంచరీలు ఉన్నాయి. ఇక లిస్టు ఏ క్రికెట్లో 64 మ్యాచ్ లు ఆడి 1950 పరుగులు చేశాడు ఇందులో ఆరు సెంచరీలు 6 అర్థ సెంచరీలు ఉండడం గమనార్హం. కాగా ఇటీవల జరిగిన మినీ వేలంలో 1.2 కోట్లకు గుజరాత్ టైటాన్స్ అతన్ని కొనుగోలు చేసింది. మరి కొత్త ఏడాదిలో అయినా ఛాన్స్ వస్తుందో లేదో చూడాలి.
