ക്രിക്കറ്റ് വാതുവെയ്പ്പിനിടെ ഡൽഹിയിൽ ഒമ്പതംഗ സംഘം പിടിയിൽ. ഐസിസി ടി20 ലോകകപ്പ് ക്വാളിഫയർ മത്സരവുമായി ബന്ധപ്പെട്ട് വാതുവെയ്പ്പ് നടത്തുന്നതിനിടെയായിരുന്നു സംഘം പോലീസിന്റെ പിടിയിലായത്. ഹോങ് കോങ്- യുഎഇ മത്സരത്തിനിടെയാണ് സംഭവമെന്നാണ് റിപ്പോർട്ടുകൾ. വാതുവെയ്പ്പുമായി ബന്ധപ്പെട്ട് കേസ് രജിസ്റ്റർ ചെയ്തിട്ടുണ്ടെന്നും ഒൻപത് പേരെ അറസ്റ്റ് ചെയ്തിട്ടുണ്ടെന്നും ഡെപ്യൂട്ടി കമ്മിഷണർ അതുൽ കുമാർ താക്കൂർ പറഞ്ഞു. മഹേന്ദർ സിങ് (35), പർമീന്ദർ സിങ് (37), സച്ചിൻ കുമാർ (23), യോഗേഷ് വസിസ്ത(31), ഹർമീന്ദർ സിങ് ബേദി (35), ദീപക് നരംഗ് (33), രോഹിത് പാണ്ഡെ(32), അർജുൻ സിങ് റാത്തോർ (25), വസീം (32) എന്നിവരാണ് അറസ്റ്റിലായിരിക്കുന്നത്. പ്രതികളിൽ നിന്ന് 1,02,900 രൂപയും 29 മൊബൈൽ ഫോണുകളും നാല് ലാപ്ടോപ്പുകളും നിരവധി ഇലക്ട്രോണിക്സ് ഉപകരണങ്ങളും പിടിച്ചെടുത്തെന്നും പോലീസ് പറഞ്ഞു.
