ఈ క్రమంలోనే ఇక ఇలా ఎంతో మంది మాజీ ఆటగాళ్లు ప్రకటిస్తున్న ప్లేయింగ్ ఎలెవెన్ టీం చూస్తూ అటు అభిమానులు కూడా మ్యాచ్ పై మరింత అంచనాలను పెంచేసుకుంటున్నారు అని చెప్పాలి. అయితే ఇక జూన్ 7వ తేదీ నుంచి వరల్డ్ టెస్ట్ ఛాంపియన్షిప్ ఫైనల్ మ్యాచ్ జరగబోతుంది. ఈ క్రమంలోనే మాజీ ఆటగాళ్లందరూ మరోసారి ఇలా ప్లేయింగ్ ఎలెవెన్ జట్టును ప్రకటించడం చేస్తూ ఉన్నారు. కాగా వరల్డ్ టెస్ట్ ఛాంపియన్ షిప్ ఫైనల్ మ్యాచ్లో భాగంగా భారత జట్టు ఆస్ట్రేలియాతో తలబడబోతుంది అన్న విషయం తెలిసిందే. ఇక ఈ మ్యాచ్ ఇంగ్లాండ్ లోని ఓవల్ వేదికగా జరగబోతుంది.
ఈ మ్యాచ్ కోసం ఇప్పటికే ఇంగ్లాండు గడ్డపై అడుగుపెట్టిన ఆస్ట్రేలియా, భారత జట్ల ఆటగాళ్లు అక్కడ ప్రాక్టీస్ లో మునిగితేలుతూ ఉన్నారు. అయితే ఇటీవల ఈ మ్యాచ్ లో ఇక టీమిండియా ప్లేయింగ్ ఎలా ఉంటే బాగుంటుంది అని దానిపై సునీల్ గవాస్కర్ స్పందించాడు. ఈ క్రమంలోనే తన ప్లేయింగ్ ఎలెవన్ జట్టుని ప్రకటించాడు. ఆ లిస్టు చూసుకుంటే రోహిత్ శర్మ గిల్ లను ఓపెనర్లుగా ఎంచుకున్నాడు. ఇక మిడిల్ ఆర్డర్లో పూజార కోహ్లీ రహానే లను తీసుకున్నాడు. కీపర్ గా శ్రీకర్ భరత్ ను ఎంచుకున్నాడు. ఇద్దరు స్పిన్నర్లుగా జడేజా అశ్విన్లకు చోటు కల్పించిన గవాస్కర్.. ఫేసర్లుగా సిరాజ్, శమీ, శార్దూల్ ఠాగూర్లను ఎంపిక చేసాడు అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి