ఇక వరల్డ్ క్రికెట్లో ప్రస్తుతం అత్యుత్తమ ప్లేయర్లుగా మొదటి స్థానంలో కొనసాగుతున్న బ్యాట్స్మెన్లు ఎవరు అంటే ప్రతి ఒక్కరు కూడా టీమిండియా స్టార్ క్రికెటర్ విరాట్ కోహ్లీ, పాకిస్తాన్ కెప్టెన్ బాబర్ అజాం పేర్లను ముందుగా చెబుతూ ఉంటారు. కోహ్లీ ఇప్పటికే ఎన్నో రికార్డులు సృష్టించగా.. బాబాయ్ ఇప్పుడు తన అద్భుతమైన ఫామ్ తో దూసుకుపోతున్నాడు అని చెప్పాలి. అయితే ఇలాంటి అత్యుత్తమ క్రికెటర్లను ఇప్పుడు ఎలాంటి అంచనాలు లేని ఒక ఆటగాడు వెనక్కి నెట్టాడు. ఆ ప్లేయర్ ఎవరో కాదు వెస్టిండీస్ కెప్టెన్ శాయ్ హోప్.
గత కొంతకాలం నుంచి హోప్ అద్భుతమైన ఫాం ప్రదర్శిస్తూ ఉన్నాడు అని చెప్పాలి. 2019 నుంచి 2023 మధ్య కాలంలో వన్డే ఫార్మాట్లో అత్యధిక పరుగులు చేసిన బ్యాట్స్మెన్ గా వెస్టిండీస్ కెప్టెన్ హోప్ అరుదైన రికార్డును సృష్టించాడు అని చెప్పాలి. 2019 వరల్డ్ కప్ నుంచి ఈ ఏడాది వరల్డ్ కప్ వరకు కూడా క్వాలిఫైయర్స్ మ్యాచ్ ముందు వరకు కోహ్లీ, బాబర్ అజాంలను మించి హోప్ ప్రదర్శన చేశాడు. 46 ఇన్నింగ్స్ లలో 2021 పరుగులు చేశాడు. ఇదే సమయంలో విరాట్ కోహ్లీ 1612 పరుగులు చేయగా, బాబర్ 1817 పరుగులు చేశాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి