ఇజ్రాయెల్‌-హమాస్‌ మిలిటెంట్ల దాడి ఇంకా భీకరంగా కొనసాగుతోంది. ఇజ్రాయెల్ పై హమాస్ జరిపిన యుద్ధం కారణంగా ఆ దేశం ప్రతి దాడి చేస్తుంది.ఈ క్రమంలో హమాస్‌ కమాండర్‌ యావత్‌ ప్రపంచం మా చట్టం కింద పనిచేయాల్సిందే నంటూ రెచ్చగొట్టే వ్యాఖ్యలని చేశాడు.దీనికి ఇజ్రాయెల్‌ ప్రధాని కూడా చాలా ఘాటుగా రిప్లై ఇచ్చారు. ఆయన హమాస్‌ను కూకటివేళ్లతో పెకలించివేస్తామన్నారు. హమాస్‌ మిలిటెంట్లను తుదముట్టించడమే ధ్యేయంగా వారి పాలనలో ఉన్న గాజా ప్రాంతాన్ని ఇజ్రాయెల్‌ సైన్యం అష్ట దిగ్బంధనం చేసింది.ఇజ్రాయెల్‌ యుద్ధ విమానాలు అయితే బాంబుల మోత మోగిస్తున్నాయి. ఇప్పటికే ఇజ్రాయెల్‌ గాజాకు ఆహారం ఇంకా ఇంధనం విద్యుత్‌ సరఫరా నిలిపివేసింది. గాజాలో ఒక కాలనీ వెంట మరో కాలనీలో ఇజ్రాయెల్‌ వైమానిక దళం బాంబు దాడులు చేసుకుంటూ భవనాలను దారుణంగా నేలమట్టం చేస్తూ వెళ్తోంది. నేలకూలుతున్న భవనాలు, ఎగిసిపడుతున్న దుమ్ము ధూళీ ఇంకా పొగ.. గాజా అంతటా ఇవే దృశ్యాలు కనిపిస్తున్నాయి. పరిస్థితి చాలా హృదయవిదారకంగా మారింది.


24 గంటల్లో 450 లక్ష్యాలపై ఇజ్రాయెల్ బాంబు దాడులు జరిగాయి. గాజా పోర్టులోని ఫిషింగ్‌ బోట్లపై బాంబు పడటంతో అవన్నీ కూడా అగ్నికి ఆహుతయ్యాయి. ఈ దాడులతో బెంబేలెత్తుతున్న గాజా వాసులు పాఠశాలల్లో ఇక ఐక్యరాజ్య సమితి నిర్వహిస్తున్న షెల్టర్లకు పోటెత్తుతున్నారు. ప్రస్తుతం జనరేటర్లపై నడుస్తున్న కార్యాలయాలు ఇంకా ఆసుపత్రులు ఇంధనం కోసం అల్లాడుతున్నాయి.ప్రస్తుతం నడుస్తున్న ఒకే ఒక్క విద్యుత్తు ప్లాంటులో ఇంధనం నిండుకుని గాజా అంతటా కూడా అంధకారం నెలకొనే ప్రమాదం పొంచి ఉంది. ఇప్పటికే 7 ఆసుపత్రుల్లో మందులు నిండుకున్నాయని ఐక్యరాజ్యసమితి సేవా సంస్థ తెలిపింది. అల్‌-కరామా ప్రాంతమంతా కూడా బాంబు దాడులతో విధ్వంసమైంది. చాలా మంది చనిపోయారు. ఇంకా వందలాదిమంది గాయపడ్డారు. వైద్య బృందం కూడా అక్కడికి వెళ్లడానికి అవకాశం లేదు. అక్కడ రోడ్లన్నీ ధ్వంసమయ్యాయి అని హమాస్‌ హోంమంత్రిత్వశాఖ వెల్లడించింది. మొత్తం 2,50,000 మంది ఇళ్లను వదిలి వెళ్ళిపోయారు. 4,00,000 మందికి నీరు, శానిటేషన్‌ సౌకర్యాలు కూడా నిలిచిపోయాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Israel Gaza Conflict

Purushottham Vinay

16/10/2023 07:46 PM