పని పట్ల నిబద్దత: మనం చేసే పని చిన్నది కావచ్చు పెద్దది కావచ్చు. ఆ పని పట్ల గౌరవం ఉండాలి. ఆ పనిని ఎంతో శ్రద్ధతో చేస్తూ ముందుకు సాగాలి. తొలి రోజు మీలో ఉండే పట్టుదల ఆ పని పూర్తయ్యే వరకు కూడా ఉండేలా మనల్ని మనం ఉత్సాహపరుచుకోవాలి. అదే మన విజయానికి మొదటి మెట్టు అవుతుంది. పని పూర్తి చేసే వరకు మన సహనాన్ని కొల్పోకూడదు.
మంచి నడవడిక: విజయం సాధించడానికి మన ప్రవర్తన, నడవడిక కూడా చాలా ముఖ్యం.
పని చేసే చోట అయినా పని చేయించే చోట అయినా మనం ఇతరులతో నడుచుకునే పద్దతి బాగుండాలి. పనితో పాటు అందరినీ గౌరవించాలి,
మీ మాట తీరు మిమ్మల్ని నలుగురిలో గౌరవింపబడేలా చేస్తుంది. అంతేకాదు మీ ఇమేజ్ ను కూడా పెంచుతుంది. ఇది ఒకరకంగా మీ విజయానికి మిమ్మల్ని మరింత చేరువ చేస్తుంది.
రిస్క్ తీసుకునే ధైర్యం: మనపై మనకున్న ఆత్మవిశ్వాసమే మన ధైర్యంగా మారుతుంది, ముందుండి మన లక్ష్యం వైపు నడిపిస్తుంది. అలాగే సవాళ్ళను స్వీకరించి ధైర్యంగా ముందుకు నడవాలి. ముఖ్యంగా వ్యాపారం లో రిస్క్ అనేది ఒక ముఖ్యమైన ఆనందం. రిస్క్ తీసుకునే ధైర్యం ఉంటేనే వ్యాపారంలో విజయం సాధించగలరు.
టీమ్ వర్క్: అన్ని పనులను ఒంటరిగా పూర్తి చేయడం కుదరదు. ఒకవేళ చేసినా ఏదో ఒక రకంగా అందుకు అందరి సహాయ సహకారాలు అవసరమవుతాయి. ఉదాహరణకు కంపెనీ అంటే ఒక్క మనిషి యొక్క శక్తి సామర్థ్యాలు, తెలివితేటలతో పూర్తయ్యేది కాదు. అందుకే ప్రతి ఒక్కరూ తలో ఒక్క చెయ్యి వేస్తేనే పని పూర్తవుతుంది.
కాబట్టి వీటిని చూసుకుని అనుసరించండి విజయం మీదే అవుతుంది.
