కేవీఎన్ రాజేష్ ఈ మూవీకి డైరెక్ష‌న్ వ‌హించారు. ఇమేజ్ స్పార్క్ ప్రొడక్షన్ పతాకంపై ఎస్. కృష్ణ ఈ సినిమాను నిర్మించారు. కాగా ఈ మూవీ ట్రైల‌ర్‌ను మిల్కీ బ్యూటీ త‌మన్నా మంగ‌ళ‌వారం విడుద‌ల చేశారు. ఆర్జీవీ స్థాపించిన 'స్పార్క్' ఓటీటీలో ఈ నెల 28న క్యాబ్ స్టోరీస్ మొద‌టి భాగం స్ట్రీమింగ్ అవుతుంది. ఇప్ప‌టివ‌కే వ‌చ్చిన ఈ సినిమా టీజర్ - 'లవ్ రింగ్ టోన్' లిరికల్ వీడియో సాంగ్‌కు మంచి క్రేజ్ వ‌చ్చింది
ఇక ఇప్పుడు ట్రైల‌ర్‌ను విడుద‌ల చేశారు. 'మాది మిడిల్ క్లాస్ ఫ్యామిలీ.. ఒక్కడే అబ్బాయి ఒక్కతే భార్య' అని గిరిధర్ చెప్పే డైలాగ్ తో క్యాబ్ స్టోరీస్ ట్రైలర్ ప్రారంభమైంది. ప్రేమ - అత్యాశ - విధి అంశాలను మేళ‌విస్తూ క్యాబ్ ప్రయాణం నేపథ్యంలో జరిగే సన్నివేశాలను ట్రైలర్ లో హైలెట్ చేశాడు డైరెక్ట‌ర్‌. అయితే ఈ క్యాబ్ జ‌ర్నీలో వీరంతా ఎందుకున్నారు? క్యాబ్ లో ఓ బ్యాగ్ మారిపోవడం వల్ల వీరి జీవితాల్లో ఎలాంటి స‌మ‌స్య‌లు వ‌స్తాయి? ఇందులో ఉన్న‌మలుపులేంటనేది స‌స్పెన్స్‌గా మారింది.
అవ‌న్నీ తెలియాలంటే క‌చ్చితంగా సినిమా చూడాల్సిందే. 'తెలియక తప్పు చేస్తే తప్పా.. తెలుసుకుని సారీ చెప్తే తప్పా.. ఈ రెండూ నేను చేశానంటే నేను కరెక్టే కదా' అంటూ దివి చెప్పే డైలాగ్ ఆమె పాత్ర బాగుంది. అలాగే 'ఓవర్ ఎగ్జైట్మెంట్ ఓవర్ థింకింగ్.. ఈ రెండూ రిలేషన్ కే కాదు.. ఆరోగ్యానికి కూడా హానికరం' అంటూ వ‌చ్చే డైలాగ్ క్రేజీగా ఉంది. మొత్తానికి ఇది కామెడీ, సస్పెన్స్ జోన్‌లో ఉంద‌ని తెలుస్తోంది. మ‌రి 28న స్ట్రీమింగ్ వ‌స్తోంది చూడండి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి