టాలీవుడ్ లవర్ బాయ్ గా పేరున్న హీరో తరుణ్ గురించి అందరికీ తెలిసే ఉంటుంది. తరుణ్ ప్రముఖ సినీ నటి రోజా రమణి కొడుకు కావడం విశేషం. ఏడేళ్ల ప్రాయం నుండే సినీ జీవితాన్ని ఆరంభించాడు. యువ హీరోగా ప్రేక్షకుల ముందుకు రాక ముందు వరకు ఆరు సినిమాల్లో బాలనటుడిగా నటించి మెప్పించాడు. "అంకుల్" సినిమాతో హీరోగా ఎంట్రీ ఇచ్చాడు. ఈ సినిమా అంతగా ఆకట్టుకోలేదు. ఈ సినిమా అనంతరం 2000 లో విడుదలైన "నువ్వేకావాలి" చిత్రంతో ఒక్కసారిగా లైమ్ లైట్ లోకి వచ్చాడు. కె విజయ్ భాస్కర్ డైరెక్షన్ లో వచ్చిన ఈ సినిమా మంచి లవ్ స్టోరీగా యువకుల మనసులో తన దైన ముద్ర వేసింది. ఇందులో తరుణ్ సరసన రిచా హీరోయిన్ గా చేసింది. ఇక అక్కడి నుండి తరుణ్ కెరీర్ మంచి టర్న్ తీసుకుంది.

ఇలా అడపా దడపా సినిమాలు చేస్తూ వచ్చిన తరుణ్ కెరీర్ ఒక్కసారిగా స్తంభించిపోయింది. 2011లో వచ్చిన "చుక్కలాంటి అమ్మాయి  చక్కనైన అబ్బాయి" సినిమా తరువాత  ఏడు సంవత్సరాలు గ్యాప్ వచ్చిందంటే పరిస్థితి ఎలాంటిదో అర్ధం చేసుకోవచ్చు. చివరగా తరుణ్ నటించిన సినిమా "ఇది నా లవ్ స్టోరీ".  ఆ తర్వాత మళ్ళీ ప్రేక్షకుల ముందుకు రాలేదు. కారణాలు ఏమైనప్పటికీ తరుణ్ కెరీర్ మాత్రం తానే చేజేతులా నాశనం చేసుకున్నాడని అప్పట్లో వార్తలొచ్చాయి. అయితే తరుణ్ ఇప్పుడిప్పుడే మళ్ళీ ప్రేక్షకుల దృష్టిలో నిలవడానికి ప్రయత్నాలు చేస్తున్నాడు. అందులో భాగంగానే రీసెంటుగా మలయాళ మూవీకి తెలుగు రీమేక్ అయిన "అనుకోని అతిధి" లో ఫహద్ ఫాజిల్ కు డబ్బింగ్ చెప్పాడు.

తరుణ్ వాయిస్ బాగా కుదరడంతో ఫహద్ ఫాజిల్ నెక్స్ట్ సినిమా పుష్ప లో కూడా అతనికి డబ్బింగ్ చెప్పనున్నట్లు వార్తలొస్తున్నాయి. ఇది ఇలా ఉంటే ప్రస్తుతం ఒక యువ దర్శకుడు ఒక స్పై థ్రిల్లర్ కాన్సెప్ట్ తో సినిమా తీయనున్నట్లు వార్తలు వినిపిస్తున్నాయి. అతనికి వెబ్ సిరీస్ లు తీసిన అనుభవం మాత్రమే ఉన్నట్లు సమాచారం. ఈ వార్తా నిజంగా తరుణ్ అభిమానులకు సంతోషాన్నిచ్చే విషయమే. కానీ దీనిపై ఇంకా అధికారిక ప్రకటన రాలేదు.


మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

LOVER BOY THAURN MOVIE GOSSIP

VAMSI

17/06/2021 02:03 PM