'സൂപ്പർ സ്റ്റാറും മോട്ടോർ വെഹിക്കിൾ ഇൻസ്പെക്ടറും'; സെൽഫിയുടെ മോഷൻ പോസ്റ്റർ പുറത്ത്! പൃഥ്വിരാജ് സൂപ്പർ സ്റ്റാറായും സുരാജ് വെഞ്ഞാറമ്മൂട് മോട്ടോർ വെഹിക്കിൾ ഇൻസ്പെക്ടർ കുരുവിള ജോസഫായും എത്തി മികച്ച വിജയം നേടിയ ഡ്രൈവിംഗ് ലൈസൻസിൻ്റെ ഹിന്ദി റീമേക്കാണ് റിലീസിനൊരുങ്ങുന്നത്. മികച്ച താരനിരയിൽ എത്തുന്ന ഹിന്ദി ചിത്രത്തിൻ്റെ പിന്നണിയിലും മലയാളം പതിപ്പിലെ നായകൻ പൃഥ്വിരാജിൻ്റെ ഇടപെടലുണ്ട്. രാജ് മെഹ്‍ത സംവിധാനം ചെയ്യുന്ന സെൽഫി 2023 ഫെബ്രുവരി 24 ന് തിയറ്ററുകളിൽ എത്തും. സൽമാൻ ഖാൻ ഫിലിംസാണ് ചിത്രം രാജ്യമൊട്ടാകെ വിതരണം ചെയ്യുന്നത്. സൂപ്പർ സ്റ്റാറായ ഹരീന്ദ്രനും അയാളുടെ കടുത്ത ആരാധകനായ കുരുവിള ജോസഫും! ഇരുവർക്കുമിടയിൽ ഒരു ഡ്രൈവിംഗ് ലൈസൻസ് തീർത്ത പ്രശ്നവും അതിൻ്റെ രസക്കാഴ്ചകളും മലയാളത്തിൽ നിന്നും ബോളിവുഡിൻ്റെ വെള്ളിത്തിരയിൽ ഫെബ്രുവിരിയിലെത്തും.
'സെൽഫി' എന്ന് പേരിട്ടിരിക്കുന്ന ചിത്രത്തിൽ അക്ഷയ് കുമാറും ഇമ്രാൻ ഹാഷ്മിയുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ചിത്രത്തിൻ്റെ മോഷൻ പോസ്റ്റർ പൃഥ്വിരാജും പങ്കുവച്ചിട്ടുണ്ട്. അക്ഷയ് കുമാർ സൂപ്പർ സ്റ്റാറായും ഇമ്രാൻ ഹാഷ്മി മോട്ടോർ വെഹിക്കിൾ ഇൻസ്പെക്ടറായും ചിത്രത്തിലെത്തുന്നു.തുടർ പരാജയങ്ങളുടെ പടുകുഴിയിൽ നിന്നും ബോളിവുഡ് പോയ വർഷം ഉയർത്തെഴുന്നേറ്റത് മലയാള ചിത്രം ദൃശ്യം രണ്ടാം ഭാഗത്തിൻ്റെ ഹിന്ദി റീമേക്കിലൂടെയാണ്. വീണ്ടും മലയാളത്തിൽ നിന്നുമെത്തുന്ന റീമേക്ക് ചിത്രമാണിത്. 'ഹിന്ദി ചിത്രം സെൽഫിയുടെ നിർമാണ പങ്കാളിയായി ബോളിവുഡിലേക്കും ചുവടു വെയ്ക്കുകയാണ് ഈ ഹിറ്റ് കൂട്ടുകെട്ട്. ഇതോടെ അഭിനയത്തിനു പുറമേ ബോളിവുഡിലും ഇനി നിർമാതാവായി മാറുകയാണ് പൃഥ്വിരാജ്.
ലിസ്റ്റിൻ സ്റ്റീഫൻറെ മാജിക് ഫ്രെയിംസ്, കരൺ ജോഹറിൻറെ ധർമ്മ പ്രൊഡക്ഷൻസ്, അക്ഷയ് കുമാറിൻറെ കേപ് ഓഫ് ഗുഡ് ഫിലിംസ്, പൃഥ്വിരാജിൻറെ ഉടമസ്ഥതയിലുള്ള പൃഥ്വിരാജ് പ്രൊഡക്ഷൻസ് എന്നവർ ചേർന്നാണ് ചിത്രത്തിൻ്റെ നിർമാണം.ഇന്നു മലയാളത്തിൽ മികച്ച വിജയങ്ങൾ സ്വന്തമാക്കുന്ന സിനിമ നിർമാണ കമ്പനികളാണ് പൃഥ്വിരാജിൻ്റെ പൃഥ്വിരാജ് പ്രൊഡക്ഷൻസും ലിസ്റ്റിൻ സ്റ്റീഫൻ്റെ മാജിക് ഫ്രേയിമ്സും. ഡ്രൈവിംഗ് ലൈസൻസ് നിർമിച്ചത് ഇതേ ടീമായിരുന്നു. ബഡേ മിയാൻ ഛോട്ടേ മിയാൻ എന്ന ചിത്രത്തിലാണ് അക്കിയും പൃഥ്വിയും ഒന്നിച്ച് കാമറക്കു മുന്നിലെത്തുന്നത്. പുതിയ ചിത്രത്തിൽ അക്ഷയ് കുമാറിനു വില്ലനായിട്ടാണ് പൃഥ്വിരാജ് പ്രത്യക്ഷപ്പെടുന്നത്. ചിത്രത്തിൽ അക്ഷയ് കുമാറും ടൈഗർ ഷെറോഫുമാണ് നായകന്മാർ.
മുമ്പ് നാം ഷബാന എന്ന ചിത്രത്തിലും പൃഥ്വിയും അക്ഷയ് കുമാറും ഒന്നിച്ച് അഭിനയിച്ചിട്ടുണ്ട്.തുടരെയുള്ള പരാജയങ്ങളിൽ നിന്നും ബോക്സോഫീസ് നേട്ടം പ്രതീക്ഷിച്ചാണ് അക്ഷയ് കുമാർ സെൽഫിയുമായി എത്തുന്നത്. ഇതിനു പിന്നാലെ നിർമാതാവായ പൃഥ്വിരാജും നായകനായ അക്ഷയ് കുമാറും അടുത്ത ചിത്രത്തിൽ വീണ്ടും ഒന്നിക്കുകയാണ്. സംവിധായകനും തിരക്കഥാകൃത്തുമായ സച്ചിയുടെ രചനയിൽ ലാൽ ജൂനിയർ സംവിധാനം ചെയ്‍ത ചിത്രമായിരുന്നു ഡ്രൈവിംഗ് ലൈസൻസ്. കോമഡി ട്രാക്കിലൂടെ കഥ പറഞ്ഞ ചിത്രം വലിയ വിജയമാണ് ബോക്സോഫീസിൽ നേടിയത്. ചിത്രത്തിൽ മിയ, നന്ദു, സുരേഷ് കൃഷ്ണ, ലാലു അലക്സ്, സൈജു കുറുപ്പ് തുടങ്ങിയവരാണ് പ്രധാന കഥാപാത്രങ്ങളായത്.
Find out more:
click and follow Indiaherald WhatsApp channel