ഇതൊന്നും ഒരു സ്ത്രീയോടും കാണിക്കേണ്ട മര്യാദയല്ല; സംഭവത്തിൽ പ്രതികരിച്ച് അപർണ ബാലമുരളി! ഉദ്ഘാടന വേദിയിൽ സ്റ്റേജിൽ കയറി വിദ്യാർത്ഥി അപർണയുടെ തോളിൽ കൈപിടിക്കാൻ ശ്രമിച്ചതിനെ അപർണ്ണ തടഞ്ഞിരുന്നു. വിദ്യാർത്ഥിയുടെ ഭാഗത്തു നിന്നും ഉണ്ടായ പെരുമാറ്റം മര്യാദയല്ലെന്നും എന്നാൽ സംഘാടകരോട് പരിഭവമില്ലെന്നും താരം വ്യക്തമാക്കി. സംഭവത്തിൽ ഖേദം പ്രകടിപ്പിച്ച് ലോ കോളേജ് യൂണിയനും ഇന്നലെ രംഗത്തെത്തിയിരുന്നു. എറണാകുളം ലോ കോളേജ് യൂണിയൻ ഉദ്ഘാടനവുമായി ബന്ധപ്പെട്ട് വിദ്യാർത്ഥിയിൽ നിന്ന് നേരിടേണ്ടിവന്ന മോശം അനുഭവത്തിൽ പ്രതികരിച്ച് നടി അപർണ ബാലമുരളി. 'ഒരു സ്ത്രീയുടെ സമ്മതം ചോദിക്കാതെ അവരുടെ ദേഹത്തു കൈവയ്ക്കുന്നതു ശരിയല്ലെന്ന് ഒരു ലോ കോളജ് വിദ്യാർഥി മനസ്സിലാക്കിയില്ലെന്നത് ഗുരുതരമാണ്. കൈപിടിച്ച് എഴുന്നേൽപ്പിച്ചത് തന്നെ ശരിയല്ല.
പിന്നീട് കൈ ദേഹത്തുവെയ്ക്കുകയും നിലനിർത്താൻ ശ്രമിക്കുകയും ചെയ്തു. ഇതൊന്നും ഒരു സ്ത്രീയോടും കാണിക്കേണ്ട മര്യാദയല്ല. പിന്നാലെ പോകാൻ സമയമില്ല എന്നതുകൊണ്ടുതന്നെ പരാതിപ്പെടുന്നില്ല. സംഘാടകരോട് പരിഭവമില്ല, സംഭവം നടന്ന ഉടനെ തന്നെ അവർ ഖേദം പ്രകടിപ്പിച്ചിരുന്നതായും അപർണ വ്യക്തമാക്കി'. മനോരമ ഓൺലൈനാണ് ഇക്കാര്യം റിപ്പോർട്ട് ചെയ്തിരിക്കുന്നത്. അപർണയ്ക്ക് സ്റ്റേജിൽ കയറി പൂവ് കൊടുക്കുന്നതിനിടെ താരത്തിനെ ബലമായി കൈക്കുപിടിച്ച് എഴുനേൽപ്പിക്കാനും ചേർത്തുപിടിക്കാനും ശ്രമിക്കുകയായിരുന്നു വിദ്യാർത്ഥി. എന്നാൽ ഇതിൽ അസ്വസ്ഥത പ്രകടിപ്പിച്ച അപർണ അതിവേഗം കുതറി മാറി.
ഇതിന് പിന്നാലെ വിദ്യാർത്ഥി വീണ്ടും സ്റ്റേജിൽ കയറി ആരാധനകൊണ്ടാണ് സംഭവിച്ചതെന്നും തെറ്റാണെന്ന് മനസ്സിലാക്കുന്നതായും പറഞ്ഞിരുന്നു. ഈ വീഡിയോയാണ് സമൂഹ മാധ്യമങ്ങളിൽ ശ്രദ്ധേയമായത്. ഇതിന് പിന്നാലെയാണ് ലോ കോളേജ് യൂണിയൻ ഖേദം പ്രകടിപ്പിച്ച് രംഗത്തെത്തിയത്. സിനിമയുടെ പ്രമോഷന്റെ ഭാഗമായി അപർണയ്ക്കൊപ്പം വിനീത് ശ്രീനിവാസൻ, സംഗീത സംവിധായകൻ ബിജിബാൽ എന്നിവരും എത്തിയിരുന്നു. കോളേജ് യൂണിയൻ ഉദ്ഘാടനത്തിനൊപ്പം തങ്കം സിനിമയുടെ പ്രമോഷനും കൂടിയാണ് താരങ്ങൾ കോളേജിൽ എത്തിയത്. സംഭവ സമയത്ത് തന്നെ യൂണിയൻ ഭാരവാഹി അത്തരത്തിലുള്ള പെരുമാറ്റത്തെ തടുക്കാൻ ശ്രമിക്കുകയും യൂണിയന്റെ ഭാഗത്ത് നിന്നും ഖേദം അറിയിക്കുകയും ചെയ്തിരുന്നു.
ഈ സംഭവവുമായി ബന്ധപ്പെട്ട് താരത്തിന് ഉണ്ടായ പ്രയാസത്തിൽ കോളേജ് യൂണിയൻ നിർവ്യാജം ഖേദം പ്രകടിപ്പിക്കുന്നു. ഇത്തരമൊരു വിഷയത്തെ യൂണിയൻ ഏറെ ഗൗരവത്തോടെയാണ് നോക്കി കാണുന്നത്' എന്നുമാണ് യൂണിയൻ തങ്ങളുടെ ഔദ്യോഗിക പേജിലൂടെ വ്യക്തമാക്കിയത്. 'എറണാകുളം ഗവ. ലോ കോളേജിൽ ഇന്ന് (18/01/2023) നടന്ന യുണിയൻ ഉദ്ഘാടന ചടങ്ങിൽ സിനിമ താരത്തിന് നേരെ വിദ്യാർത്ഥികളിൽ ഒരാളിൽ നിന്നും ഉണ്ടായ അനിഷ്ട സംഭവം ഏറെ ഖേദകരമാണ്.
Find out more:
click and follow Indiaherald WhatsApp channel