ఇప్పటికే షూటింగ్ కార్యక్రమాలు పూర్తి చేసుకుని సెప్టెంబర్ లో విడుదలకు రెడీ అవుతున్న ఈమూవీ పై ఒక షాకింగ్ న్యూస్ ఇప్పుడు ప్రచారంలోకి వచ్చింది. ఈ మూవీలోని చాలా సన్నివేశాలు గతంలో మణిరత్నం తీసిన ‘దళపతి’ మూవీని పోలి ఉంటాయని స్నేహితుడి కోసం మహాభారతం లోని కర్ణుడి లా త్యాగం చేసే పాత్రలో ప్రభాస్ పాత్రను తీర్చిదిద్దినట్లు కోలివుడ్ మీడియా వార్తలు రాస్తోంది.
ఇప్పటికే ఈసినిమా కథ ప్రశాంత్ నీల్ గతంలో దర్శకత్వం వహించిన ‘ఉగ్రం’ మూవీ ఛాయాలతో ఉంటాయని ప్రచారం జరుగుతున్న పరిస్థితులలో ఇప్పుడు లేటెస్ట్ గా మణిరత్నం ‘దళపతి’ వచ్చి చేరడంతో ఈ రెండు సినిమాల ఛాయలు ‘సలార్’ లో కనిపిస్తాయా అన్న సందేహాలు మొదలయ్యాయి. ఇప్పటికే మూడు భారీ ఫ్లాప్ లతో సతమతమైపోతున్న ప్రభాస్ కెరియర్ మరో ఫ్లాప్ ను తట్టుకునే స్థితిలోలేడు.
ప్రభాస్ కు దేశవ్యాప్తంగా ఎంతమంది అభిమానులు ఉన్నారో అంతకు మించిన స్థాయిలో యాంటీ ఫ్యాన్స్ కూడ ఉన్నారు. ఇలాంటి పరిస్థితులలో అవకాశం దొరికితే చాలు ప్రభాస్ సినిమాను విపరీతంగా ట్రోలింగ్ చేస్తున్నారు. ఈ పరిస్థితుల మధ్య ‘సలార్’ విషయంలో ప్రశాంత్ నీల్ ఏమైనా ప్రయోగాలు చేశాడా అన్నసందేహాలు అభిమానులను వెంటాడుతున్నాయి. ఇది ఇలా ఉంటే జూలై మొదటి వారంలో ఈసినిమాకు సంబంధించిన టీజర్ ను ఈసినిమా విడుదల అయ్యే అన్నీ భాషలలోను విడుదలచేయబోతున్నారు. ప్రభాస్ సినిమాకు మార్కెట్ పరంగా సమస్య లేనప్పటికీ ఇలా వరస ఫ్లాప్ లు కొనసాగితే మాత్రం మార్కెట్ పరంగా ఇబ్బందులు తప్పవు అన్న సంకేతాలు వస్తున్నాయి..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి