ప్రేక్షకులు థియేటర్లలో ఈ సినిమాను విశేషంగా ఆదరిస్తున్నారు. కేవలం రూ. 25 కోట్ల బడ్జెట్ తో తెరకెక్కిన ఈ మూవీ ఇప్పుడు మేకర్స్ కు వందల కోట్లు లాభాలను తీసుకొస్తోంది. అటు హిందీ వెర్షన్ లోనూ సూపర్ హిట్ గా నిలిచింది. ఇప్పటికే హిందీలో రూ. 50 కోట్లకు పైగా గ్రాస్ సాధించి సత్తా చాటింది. తెలుగులోనూ దూసుకుపోతూ లాంగ్ రన్ వసూళ్లతో మాస్ ఆడియన్స్ ను ఫిదా చేస్తోంది. థియేట్రికల్ రన్ ముగిసిన తర్వాత ఓటీటీ, శాటిలైట్ డీల్స్ రూపంలో మరింత లాభాలు రాబోతున్నాయి. ప్రస్తుతం ఈ డీల్స్ చర్చల్లో ఉన్నప్పటికీ.. ఆఫర్లు భారీ స్థాయిలో వస్తున్నాయి. దీంతో మేకర్స్ సేఫ్ జోన్ లో కాకుండా.. సూపర్ ప్రాఫిట్ జోన్ లోకి వెళ్లిపోయారు.
ఈ విజయంతో యానిమేషన్ సినిమాలకు తెలుగు మార్కెట్లో కొత్త బాటలు తెరుచుకున్నాయి. ప్రేక్షకులు మంచి కంటెంట్, అద్భుతమైన టెక్నికల్ వర్క్ ఉంటే.. అది లైవ్ యాక్షన్ కావొచ్చు, యానిమేషన్ కావొచ్చు.. ఎలాంటి సినిమా అయినా హిట్ అవుతుందని మరోసారి రుజువైంది. మహావతార్ నరసింహా ఇప్పుడు కేవలం ఒక సినిమా కాదు, తెలుగు యానిమేషన్ చరిత్రలో గోల్డెన్ చాప్టర్ లా నిలిచిపోయింది. చిన్న సినిమాగా మొదలై.. భారీ విజయాన్ని అందుకున్న ఈ మూవీ, ఇంకా ఎంత దూరం దూసుకుపోతుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి