స్టార్ బాయ్ సిద్ధు జొన్నలగడ్డ నటించిన తాజా చిత్రం “తెలుసు కదా” థియేటర్లలో ప్రేక్షకుల ముందుకు వచ్చి మిక్స్‌డ్ రివ్యూస్ తెచ్చుకుంది. ఇప్పుడు ఈ సినిమా ఓటీటీలో స్ట్రీమింగ్‌కు సిద్ధమవుతోంది. లేటెస్ట్ అప్‌డేట్ ప్ర‌కారం నవంబర్ 14, 2025 నుంచి నెట్‌ఫ్లిక్స్ లో తెలుగు భాషలో స్ట్రీమింగ్ కానుంది. ఇతర భాషా వెర్షన్‌లు కొద్ది రోజుల తర్వాత రిలీజ్ అయ్యే అవకాశం ఉంది. ఈ సినిమాకు నీరజ కోన దర్శకత్వం వహించగా, ప్రముఖ బ్యానర్ పీపుల్ మీడియా ఫ్యాక్టరీ నిర్మించింది. రాశి ఖన్నా, శ్రీనిధి శెట్టి ఈ సినిమాలో హీరోయిన్లుగా నటించారు. సిద్ధు, ఈ సినిమాలో ప్రేమలోని సంక్లిష్టతలను, భావోద్వేగాలను సహజంగా అద్భుతంగా ప్రదర్శించాడు. రాశి ఖన్నా, శ్రీనిధి శెట్టి పాత్రలు కూడా కథకు బలాన్ని చేకూర్చాయి.
దీపావళి పండుగ సందర్భంగా పలు పెద్ద సినిమాలు విడుదల కావడంతో “ తెలుసు కదా ” థియేటర్లలో గ‌ట్టి పోటీ ఎదుర్కొంది. ఆ పోటీ ప్రభావం వల్ల ఈ సినిమా బాక్సాఫీస్ వద్ద ఆశించిన స్థాయిలో కలెక్షన్లు రాబట్టలేకపోయింది. మ్యూజిక్, విజువల్స్ మంచి ప్రశంసలు పొందినా, స్క్రీన్‌ప్లే పాక్షికంగా నెమ్మదిగా ఉండటంతో కొన్ని వ‌ర్గాల ప్రేక్షకులను తెలుసుక‌దా సినిమా నిరాశపరిచింది. ఇప్పుడు నెట్‌ఫ్లిక్స్‌లో స్ట్రీమింగ్ కాబోతున్న నేపథ్యంలో, ఈ సినిమా ఓటీటీ వేదికగా కూడా ప్రేక్షకులను మెప్పించే ఛాన్స్ ఉంద‌ని సినిమా వ‌ర్గాలు అంచనా వేస్తున్నారు.
యూత్‌కు ఈ సినిమా బాగా క‌నెక్ట్ అయ్యింది. థియేటర్స్‌లో మిస్ అయిన ప్రేక్షకులు ఇప్పుడు డిజిటల్‌గా ఈ సినిమాను ఆస్వాదించనున్నారు. ఫైన‌ల్‌గా “ తెలుసు కదా ” ఓ మ్యూజికల్ రొమాంటిక్ డ్రామాగా, సున్నితమైన ఎమోషన్లను చూపించే చిత్రం. ప్రేమ, విరహం, సంబంధాల మధ్య ఉన్న భావోద్వేగాల్ని ఈ కథ ప్రధానాంశంగా తీసుకుంది. థియేటర్లలో మోస్తరు స్పందన వచ్చినా, ఓటీటీలో ఇది మంచి వ్యూస్ సాధించే అవకాశాలు ఉన్నాయని అంచనా. నవంబర్ 14న నెట్‌ఫ్లిక్స్‌లో సినిమా ఎలా దూసుకుపోతుందో ఇప్పుడు అందరి చూపు దానిపైనే ఉంది.
ఈ వాట్సాప్ నెంబ‌ర్‌కు మీ జిల్లాలో రాజకీయ, సామాజిక స‌మ‌స్య‌లు వివ‌రాలు పంపండి..
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజకీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి