అయితే ఈ నమ్మకాన్ని తలకిందులు చేస్తూ, ఒకే పోలీస్ పాత్రలో మళ్లీ మళ్లీ కనిపించినా… ప్రేక్షకులు విసుగు చెందకుండా, అతన్ని చూసి ఆనందపడేలా చేసిన అరుదైన వ్యక్తి జగదీష్ రాజ్. అందుకే ఆయనను బాలీవుడ్‌లో ‘ఇన్‌స్పెక్టర్ సాబ్’ అని అభిమానంగా పిలిచేవారు. ఎందుకంటే ఆయన చేసిన 260కి పైగా చిత్రాలలో… భారీ సంఖ్యలో, మొత్తం 144 సినిమాల్లో పోలీస్ ఆఫీసర్‌గానే తెరపై కనిపించారు. ఇంతవరకు ఒకే రోల్‌ను ఇన్ని దఫాలు పోషించడం నిజంగా విశేషమే. ఇది కేవలం రికార్డు మాత్రమే కాదు, ఒక నటుడు తన వైఖరి, నటన, హావభావాలు, శరీర భాష—అన్ని పర్ ఫెక్ట్ కటౌట్ అనేందుకు ప్రత్యక్ష సాక్ష్యం. అయితే జగదీష్ రాజ్ కేవలం పోలీస్ పాత్రలకే పరిమితమైపోలేదు. ఆయన తన కెరీర్‌లో పలు మార్గదర్శకమైన పాత్రలను పోషించారు—విలన్‌గా, న్యాయమూర్తిగా, మెంటార్ పాత్రల్లో, ఆపద్ధర్మ తండ్రిలా, ఇంకా ప్రేక్షకులకు దగ్గరైన అనేక శేడ్‌లలో నటించారు. అయినా కూడా ఆయనను గుర్తుపెట్టుకునేది మాత్రం ఒకే పాత్రతో—సినిమా ప్రపంచంలో అత్యధిక సార్లు చేసిన పోలీస్ రోల్‌తో.
జగదీష్ రాజ్ 2013లో శ్వాసకోశ సమస్యలతో కన్నుమూసినా… ఆయన సృష్టించిన రికార్డు ఇప్పటికీ నిలిచింది. నేటి తరంలో నటులు వేగంగా మారుతున్న స్క్రిప్టులు, విభిన్న జోనర్లు, వేరే వేరే పాత్రల కోసం శ్రమిస్తున్న నేపథ్యంలో—ఒకే పాత్రను 144 సార్లు చేయడం అనేది అసాధ్యం వంటి ఘనతగా నెటిజన్లు వ్యాఖ్యానిస్తున్నారు. సినిమా ప్రపంచంలో పునరావృత పాత్ర కూడా అభిమానులను విసిగించకుండా, ప్రతి సినిమాకూ ప్రత్యేకతను ఇవ్వడం అంటే—అది కేవలం నటన కాదు, నటుడి వ్యక్తిత్వం, తెరపై కనిపించే అసలైన ఆకర్షణ. జగదీష్ రాజ్ ఖురానా అదే మాటను మరోసారి నిరూపించారు.ఆయన పేరు గిన్నిస్‌లో చెక్కబడింది… కానీ ఆయన పోలీస్ పాత్ర ప్రేక్షకుల హృదయాలలో శాశ్వతంగా చెక్కుకుపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి