తాజాగా హైదరాబాద్‌లో ఈ చిత్ర బృందం ఘనంగా ప్రీ-రిలీజ్ ఈవెంట్ నిర్వహించింది. ఈ కార్యక్రమానికి అభిమానులు భారీగా తరలివచ్చి సందడి చేశారు. ఈ వేడుకలో బాలకృష్ణ మాట్లాడిన మాటలు అందరినీ ఆకట్టుకున్నాయి. ఆయన మాట్లాడుతూ—“నేడు నేను ఈ స్థాయికి రావడానికి ప్రధాన కారణం నా తండ్రి నందమూరి తారక రామారావు గారి ఆశీస్సులు. ఆయన చూపిన మార్గం, విలువలు, క్రమశిక్షణ నన్ను ఈ స్థానంలో నిలబెట్టాయి” అని తెలిపారు.
అలాగే ఆయన ప్రస్తుతం సినిమా ఇండస్ట్రీ పరిస్థితిపై కూడా తన అభిప్రాయాన్ని వ్యక్తం చేస్తూ—“ఇప్పుడంటే సినిమా ఒక వినోదమైనా కాదు… ఒక అవసరం. మంచి కంటెంట్‌ని అందించాల్సిన బాధ్యత మొత్తం ఇండస్ట్రీపై ఉంది. కోవిడ్ సమయంలో ప్రేక్షకులు థియేటర్లకు రావడంలో సందేహించినప్పుడు ‘అఖండ’ చిత్రం మాత్రమే భారీ స్థాయిలో పులకరించించి అందర్నీ తిరిగి థియేటర్లకు రప్పించింది. ఆ సినిమా ఇచ్చిన ఆత్మవిశ్వాసమే మంల్ని ముందుకు తెచ్చింది” అని అన్నారు.అలాగే ఈ చిత్రానికి సంబంధించిన కొన్ని ముఖ్యమైన సన్నివేశాలను యూపీ ముఖ్యమంత్రి యోగి ఆదిత్యనాథ్ గారికి చూపించినప్పుడు ఆయన ఎంతో ప్రశంసించారని బాలయ్య వెల్లడించారు.
“అఖండ 2లో సనాతన ధర్మ పరిరక్షణ ప్రధాన ఎలిమెంట్‌గా ఉంటుంది. అఘోరాలు శతాబ్దాలుగా మన ధర్మాన్ని కాపాడే శక్తులు. ఆ అంశాన్ని ఎంతో పవర్‌ఫుల్‌గా, డెప్త్‌తో చూపించడానికి మా టీం కష్టపడింది. నా సినిమాల్లో యాక్షన్, భావోద్వేగం, పాజిటివిటీ, ఆధ్యాత్మికత—అన్ని రకాల అంశాలు ఉంటాయి. ‘అఖండ 2’ కూడా అదే శైలిలో మరింత పెద్ద స్థాయిలో పయనించబోతోంది” అని చెప్పారు. మొత్తానికి అఖండ 2 బాలయ్య చేసింది సనాతన ధర్మ పరిరక్షణ కోసమే అని అర్ధమైపోయింది. ఈ వేడుక అనంతరం విడుదల చేసిన కొత్త క్లిప్స్, మాస్ బ్లాక్‌బస్టర్ రేంజ్‌లో ఉన్న ఫైట్లకు సంబంధించిన విజువల్స్, బాలకృష్ణ గారి ఉగ్రరూపం—అన్ని ఫ్యాన్స్‌లో అంచనాలను ఆకాశానికి ఎత్తేశాయి. ముఖ్యంగా ఈసారి అఖండ పాత్రను బోయపాటి మరింత శక్తివంతంగా, ఆధ్యాత్మికంగా, పౌరాణిక స్పర్శతో చూపించాడని తెలుస్తోంది.‘అఖండ 2’ ప్రేక్షకులను ఒకేసారి వైభవం, మాస్, ఆధ్యాత్మిక శక్తి, భావోద్వేగాల కలయికతో ఒక భారీ థియేట్రికల్ అనుభూతి ఇవ్వబోతుందనే నమ్మకం అభిమానుల్లో బలంగా ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి