నందమూరి బాలకృష్ణ నటించిన తాజా మూవీ అఖండ -2.. ఈ సినిమా డిసెంబర్ 5న వరల్డ్ వైడ్ గా విడుదల కాబోతున్న నేపథ్యంలో హైదరాబాదులో తాజాగా ప్రీ రిలీజ్ ఈవెంట్ ని గ్రాండ్ గా నిర్వహించారు చిత్ర యూనిట్. ఈ నేపథ్యంలోనే ఈ ఈవెంట్ కి బాలకృష్ణ బోయపాటి శ్రీను,తమన్,సంయుక్త మీనన్ ఇలా చిత్ర యూనిట్ అందరూ పాల్గొన్నారు. అయితే ఈ ఈవెంట్లో బాలకృష్ణ మాట్లాడిన ఒక్క మాట సోషల్ మీడియాని షేక్ చేస్తోంది ఒకే ఒక్క మాటతో భార్యపై ఉన్న ప్రేమను కూడా బాలకృష్ణ బయటపెట్టేశారు. మరి ఇంతకీ బాలకృష్ణ తన భార్య గురించి ఏం మాట్లాడారు అనేది ఇప్పుడు చూద్దాం  నందమూరి బాలకృష్ణ అఖండ-2  ప్రీ రిలీజ్ ఈవెంట్ లో మాట్లాడుతూ.. నేను పాదరసం లాంటోడిని.. ఎందులో పోస్తే అలాగే తయారవుతా. ఏ పాత్ర ఇచ్చినా సరే అందులో పరకాయ ప్రవేశం చేసి నటిస్తాను. 

ఓ వైపు సినిమాల్లో రాణిస్తూనే.. మరోవైపు హిందూపురం ఎమ్మెల్యేగా ప్రజలకు సేవలు అందిస్తూ ఇంకోవైపు బసవతారకం ఇండో అమెరికన్ క్యాన్సర్ హాస్పిటల్ కి చైర్మన్ గా కూడా బాధ్యత వహిస్తున్నాను. ఇలా అన్ని పనులు నేనొక్కడినే చేస్తాను. ఒకే దగ్గర ఉండడం కుదరదు.కానీ ఓ విషయంలో మాత్రం ఒకే దగ్గర లాక్ అయిపోయాను. అదే నా భార్య విషయంలో.. నా భార్య వసుంధర దేవి దగ్గర నేను లాక్ అయిపోయాను. ఆమెను మోసం చేయలేదు.నా భార్య కూడా ఈ విషయంలో నన్ను ఎప్పుడు మెచ్చుకుంటుంది. ఒక దగ్గర ఉండరు.. అన్ని విషయాలు మీరే చూసుకుంటారు. కానీ ఒక విషయంలో నేను మాత్రం లక్కీ.. నన్నయితే మోసం చేయలేదు. ఇప్పటికీ నన్నే మీరు అంటిపెట్టుకొని ఉంటున్నారు అని ప్రతిసారి చెబుతుంది అంటూ బాలకృష్ణ తన భార్య చెప్పే మాటలు స్టేజ్ పై చెప్పి ఈవెంట్లో నవ్వులు పూయించారు.

 ఇక బాలకృష్ణ మాట్లాడిన ఈ ఒక్క మాట నెట్టింట వైరల్ గా మారడంతో చాలామంది నెటిజన్స్ బాలయ్య బాబుకి భార్య అంటే ఎంత ప్రేమో అంటూ కామెంట్లు పెడుతున్నారు. ఇక బాలకృష్ణ తన పర్సనల్ లైఫ్ గురించి ఎక్కడా ఎక్కువగా మాట్లాడరు.కానీ కొన్ని కొన్ని సందర్భాలలో అవసరమైతే తప్ప ఇంట్లో వారి గురించి మాట్లాడారు.అలా ఏదో ఒక సందర్భంలో అరుదుగా బాలకృష్ణ తన పిల్లల గురించి,భార్య గురించి, కొడుకు గురించి మాట్లాడుతూ ఉంటారు. అలా తాజాగా అఖండ-2 ఈవెంట్లో వసుంధర దేవి గురించి ఈ మాట మాట్లాడడంతో ప్రస్తుతం ఈ వీడియో సోషల్ మీడియాలో వైరల్ అవుతుంది.ఇక బోయపాటి శ్రీను డైరెక్షన్లో నందమూరి బాలకృష్ణ హీరోగా  2021 లో వచ్చిన అఖండ మూవీకి సీక్వెల్ గా అఖండ -2 వస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

AKHANDA 2 BALAKRISHNA VASUNDHARA DEVI AKHANDA 2 PRE RELEASE EVENT BOYAPATI SRINU

Pandrala Sravanthi

29/11/2025 09:37 AM