సంక్రాంతి అంటే ఫ్యామిలీ ఆడియన్స్‌తో పాటు అన్ని వర్గాల ప్రేక్షకులు పెద్ద సంఖ్యలో థియేటర్లకు వచ్చే పండుగ. పైగా చిరంజీవి రీ-ఎంట్రీ తర్వాత వచ్చిన ‘ఖైదీ నంబర్ 150’, ‘వాల్తేరు వీరయ్య’ సంక్రాంతి కే వ‌చ్చి బాక్సాఫీస్‌ను షేక్ చేశాయి. ఇక అనిల్ రావిపూడికి కూడా ‘ఎఫ్ 2’, ‘సరిలేరు నీకెవ్వరు’, ‘సంక్రాంతికి వస్తున్నాం’ వంటి పెద్ద హిట్స్ ఆయన ఖాతాలో ఉన్నాయి. ఇప్పుడు ఈ ఇద్దరూ మొదటిసారిగా కలవడంతో అంచనాలు రెట్టింపయ్యాయి. సినిమాలో విక్టరీ వెంకటేశ్ కీలక పాత్రలో కనిపించనున్నాడనే సమాచారం మరింత పాజిటివ్ బజ్ తీసుకువస్తోంది.
మౌత్ టాక్ స్ట్రాంగ్‌గా వస్తే నైజాంలో 40 కోట్ల షేర్ కొట్టడం అసలు కష్టమే కాదు. 2026 సంక్రాంతి రేసులో ‘ద రాజా సాబ్’ సహా పలు పెద్ద సినిమాలు పోటీకి సిద్ధమవుతున్నందున స్క్రీన్ కౌంట్, విడుదల ప్లానింగ్ కీలకం కానుంది. దిల్ రాజు ఇప్పటికే నవీన్ పొలిశెట్టి నటించిన ‘అనగనగా ఒక రాజు’ రైట్స్ కూడా తీసుకున్నాడు. ప్రస్తుత పరిస్థితుల్లో ఆయనకు ఈ రెండు సినిమాలు నిజంగా జాక్‌పాట్ డీల్స్ అవుతాయని ట్రేడ్ వర్గాల అంచనా.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి