తొలి రోజు రికార్డులు పాతాళం!
‘అఖండ 2’కు వస్తున్న అద్భుతమైన స్పందన బాక్సాఫీస్ కలెక్షన్లపై స్పష్టంగా కనిపిస్తోంది. రెండు తెలుగు రాష్ట్రాలతో పాటు ఓవర్సీస్ మార్కెట్లలోనూ షోస్ హౌస్ఫుల్ అవుతున్నాయి. సోషల్ మీడియాలో వైరల్ అవుతున్న ట్రేడ్ వర్గాల నివేదికల ప్రకారం, ఈ సినిమా తొలి రోజు ప్రపంచవ్యాప్తంగా రూ.65 కోట్ల నుంచి రూ.80 కోట్ల వరకు గ్రాస్ వసూలు చేసే అవకాశం ఉందని అంచనా. ప్రీమియర్స్ నుంచే ఈ స్థాయిలో కలెక్షన్లు రావడం బాలయ్య కెరీర్లోనే ఒక అరుదైన రికార్డుగా నిలుస్తోంది.
అధికారిక ప్రకటన కోసం ఎదురుచూపులు: ప్రముఖ వెబ్సైట్ సాక్నిల్క్ లెక్కల ప్రకారం, ప్రీమియర్స్తో కలిపి తొలి రోజు ఇండియాలో రూ.36.18 కోట్ల నెట్ కలెక్షన్లు సాధించింది. మేకర్స్ నుంచి అధికారిక ప్రకటన రావాల్సి ఉన్నప్పటికీ, ఈ ఓపెనింగ్స్ బాలయ్య మాస్ పవర్ ఏంటో మరోసారి నిరూపించాయి. పాత రికార్డు బ్రేక్: 2021లో వచ్చిన మొదటి భాగం ‘అఖండ’ సైతం కరోనా పరిస్థితుల్లోనూ తొలి రోజు సుమారు రూ.30 కోట్ల గ్రాస్ వసూలు చేసింది. ఇప్పుడు సీక్వెల్గా వచ్చిన ‘అఖండ 2’ ఆ మార్క్ను చాలా రెట్లు దాటే అవకాశాలు పుష్కలంగా ఉన్నాయి.
వంద కోట్లు ఈజీనా? మాస్ ఎలివేషన్లకే పట్టాభిషేకం!
‘అఖండ 2’కి థియేటర్ల వద్ద వస్తున్న భారీ రష్, ఫ్యాన్స్ సంబరాలు సినిమాను ఒక గ్రాండ్ ఈవెంట్గా మార్చేశాయి. ఈ సినిమాకు పోటీగా పెద్ద సినిమాలు లేకపోవడం కూడా కలిసొచ్చింది. ట్రేడ్ విశ్లేషకుల మాట ప్రకారం, ఇదే జోరు కొనసాగితే, ‘అఖండ 2’ కేవలం మొదటి వారంలోనే దాదాపు రూ.150 కోట్ల వరకు గ్రాస్ వసూలు చేసే ఛాన్స్ ఉందని టాలీవుడ్లో గట్టిగా వినిపిస్తోంది. లాజిక్లను పక్కనపెట్టి, కేవలం మాస్ ఎలివేషన్, ఎమోషన్ను నమ్మిన బోయపాటి మార్క్ టేకింగ్ ఈ సినిమాకు ఇంతటి భారీ విజయాన్ని తెచ్చిపెట్టింది. బాలయ్య – బోయపాటి కాంబినేషన్పై ఉన్న నమ్మకం, అభిమానుల ఉత్సాహం ఈ కలెక్షన్ల తాండవాన్ని మరింత ఊపందిస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి