ఐకాన్ స్టార్ అల్లు అర్జున్ మరియు స్టార్ డైరెక్టర్ అట్లీ కాంబినేషన్లో ఒక భారీ చిత్రం పట్టాలెక్కబోతున్న సంగతి తెలిసిందే. ఈ క్రేజీ ప్రాజెక్ట్ థియేటర్లలోకి రావడానికి ఇంకా చాలా సమయం ఉన్నప్పటికీ, అప్పుడే ట్రేడ్ వర్గాల్లో ఈ సినిమా సృష్టిస్తున్న ప్రకంపనలు మామూలుగా లేవు. ముఖ్యంగా ఈ సినిమా బిజినెస్ పరంగా సరికొత్త రికార్డులను తిరగరాసేలా కనిపిస్తోంది.
తాజాగా వినిపిస్తున్న సమాచారం ప్రకారం, ఈ చిత్ర డిజిటల్ స్ట్రీమింగ్ (OTT) హక్కుల కోసం ప్రముఖ దిగ్గజ సంస్థ నెట్ఫ్లిక్స్ ఏకంగా 600 కోట్ల రూపాయల భారీ ఆఫర్ను ప్రకటించినట్లు టాలీవుడ్ వర్గాల్లో జోరుగా చర్చ సాగుతోంది. భారతీయ చలనచిత్ర చరిత్రలోనే ఒక పాన్ ఇండియా ప్రాజెక్ట్కు కేవలం ఓటీటీ హక్కుల కోసమే ఇంత భారీ మొత్తం ఆఫర్ చేయడం ఇదే మొదటిసారి అని చెప్పాలి.
అల్లు అర్జున్కు ఉన్న గ్లోబల్ ఇమేజ్, అట్లీ గత చిత్రం 'జవాన్' బాక్సాఫీస్ వద్ద సాధించిన వెయ్యి కోట్ల విజయం వెరసి ఈ ప్రాజెక్ట్పై అంచనాలను ఆకాశానికి చేర్చాయి. ఒకవేళ ఈ 600 కోట్ల డీల్ గనుక నిజమైతే, సినిమా షూటింగ్ సగం కూడా పూర్తి కాకముందే కేవలం ఒక ఫ్లాట్ఫామ్ ద్వారానే బడ్జెట్లో సగానికి పైగా రికవరీ అయిపోయినట్లే.
ఇది నిర్మాతలకు అతిపెద్ద ఊరటనిచ్చే విషయమే కాకుండా, సినిమా రేంజ్ను అంతర్జాతీయ స్థాయికి తీసుకెళ్తుంది. థియేట్రికల్ హక్కులు, శాటిలైట్ హక్కులు మరియు ఇతర బిజినెస్ లెక్కలు కూడా కలిపితే ఈ సినిమా విడుదలకు ముందే వెయ్యి కోట్ల మార్కును టచ్ చేసినా ఆశ్చర్యపోనక్కర్లేదు. పుష్ప-2 తర్వాత అల్లు అర్జున్ మార్కెట్ స్టామినా ఎంతగా పెరిగిందో ఈ ఆఫర్ నిరూపిస్తోంది.
ఏపీ, తెలంగాణలో వివిధ నియోజకవర్గాల్లో నెలకొన్న ప్రజల సమస్యలు, రాజకీయ పరమైన అంశాలను మా దృష్టికి తీసుకు రావాలనుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 9490520108 నెంబరుకు వాట్సాప్ ద్వారా తెలియజేయండి.
నోట్ : వ్యక్తిగత సమస్యలు వద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి