ముఖ్యంగా పాకిస్తాన్లో లీటర్ పెట్రోల్ ధర 272 రూపాయలకు చేరడం గమనార్హం. దీంతో వాహనదారులందరూ కూడా తమ వాహనాన్ని బయటకు తీయాలంటేనే భయపడిపోతున్నారు. అత్యవసరం అయినా కూడా వాహనాన్ని బయటకు తీసే ధైర్యం చేయడం లేదు అని చెప్పాలి. ఇక ఇలా భారీగా పెరిగిన ధరలతో ఆ దేశ పౌరులు అందరు కూడా ప్రభుత్వం తీరుపై తీవ్ర ఆగ్రహం వ్యక్తం చేస్తున్నారు. అయితే పాకిస్తాన్ క్రికెట్లో మ్యాచ్ ఓడిపోయినప్పుడల్లా ఆ దేశ అభిమానులు టీవీలను బద్దలు కొట్టడం ఇప్పటివరకు సోషల్ మీడియాలో ఎన్నోసార్లు చూసాం. కానీ ఇక్కడ మాత్రం ఇక పెట్రోల్ రేట్లు భారీగా పెరిగిపోవడంతో ఆగ్రహాన్ని అనుచుకో లేకపోయినా ఒక వాహనదారుడు ఏకంగా తన వాహనాన్ని తానే ధ్వంసం చేసుకున్నాడు.
అంతేకాదు తర్వాత తన వాహనాన్ని పక్కనే ఉన్న పొలంలో కూడా తోసేసాడు అని చెప్పాలి. ఇక ఇందుకు సంబంధించిన వీడియోస్ సోషల్ మీడియాలో వైరల్ గా మారిపోతూ ఉండడంతో ఎంతోమంది నెటిజెన్స్ ఇది చూసి షాక్ అవుతున్నారు. అయితే పాకిస్తాన్లో నెలకొన్న పరిస్థితులతో అక్కడ ప్రజలు ఎంత ఇబ్బందులు పడుతున్నారు అన్నదానికి ఈ వీడియో నిలువుటద్దంగా మారిపోయింది అని చెప్పడంలో అతిశయోక్తి లేదు. అంతేకాదు ఇక పాకిస్తాన్లో ఉన్న నిత్యవసరాలు ధరలు చూసి ప్రస్తుతం పక్క దేశాల ప్రజలు సైతం ముక్కున వేలేసుకుంటున్నారు అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి