అత్యంత ముఖ్యమైన డాక్యుమెంట్స్ లలో ఒకటి పాన్ కార్డు..ఇన్కమ్ టాక్స్ డిపార్టుమెంట్ వారి ఆదేశాల ప్రకారం వీటిని తప్పనిసరి చేశారు..లావాదెవీలు చెయ్యడానికి ఇది ముఖ్యం.ఆర్థిక లావాదేవీల కోసం పాన్ కార్డును ఉపయోగించడం తప్పనిసరి. పాన్ కార్డును ఆదాయపు పన్ను శాఖ జారీ చేస్తుంది.వ్యక్తులకు పాన్ కార్డ్ లేకపోతే, వారి కొన్ని ముఖ్యమైన పనులు కూడా నిలిచిపోవచ్చు. ఇందుకోసం ఆర్థిక లావాదేవీలే కాకుండా అనేక పనులకు పాన్ కార్డు అవసరం. ఏ పనుల కోసం పాన్ కార్డ్ అవసరమో తెలుసుకుందాం..
ఆదాయపు పన్ను రిటర్న్‌లో క్లెయిమ్ చేసిన విధంగా చెల్లించాల్సిన వాస్తవ పన్ను కంటే టీడీఎస్‌ తీసివేయబడిన సందర్భాలు ఉన్నాయి. అటువంటి సందర్భాలలో పన్ను చెల్లింపుదారుల బ్యాంక్ ఖాతాతో పాన్ కార్డ్‌ని లింక్ చేయడం ద్వారా అదనపు మొత్తాన్ని క్లెయిమ్ చేయవచ్చు.
లోన్ దరఖాస్తు సమయంలో మీరు మీ పాన్ కార్డ్‌తో సహా అవసరమైన అన్ని డాక్యుమెంట్‌లను సమర్పించాలి. ఎడ్యుకేషన్ లోన్, పర్సనల్ లోన్ లేదా మరేదైనా ఏదైనా రుణం కోసం పాన్ కార్డ్ అవసరం. పన్ను రిటర్న్‌ను దాఖలు చేయడానికి అర్హత ఉన్న వ్యక్తులు, సంస్థలు తప్పనిసరిగా పాన్ కార్డ్‌ని కలిగి ఉండాలి. బ్యాంక్ ఖాతాను తెరవడానికి పాన్ కార్డ్ కూడా ఉపయోగించబడుతుంది. ప్రాపర్టీని కొనుగోలు చేసేటప్పుడు, అద్దెకు ఇచ్చేటప్పుడు లేదా విక్రయించేటప్పుడు పాన్ కార్డ్ రుజువుగా అవసరం..
పాన్ కార్డ్‌ని కూడా గుర్తింపును చూపించడానికి ఉపయోగించవచ్చు. ఆధార్ కార్డు లేదా ఓటరు ఐడీ కార్డు కాకుండా, గుర్తింపు రుజువుగా పాన్ కార్డును ఉపయోగించవచ్చు. వివిధ రకాల ఆర్థిక లావాదేవీల కోసం పాన్ కార్డులు ఆమోదించబడతాయి.
మీరు సెక్యూరిటీలలో పెట్టుబడి పెట్టాలనుకుంటే రూ.50,000 కంటే ఎక్కువ లావాదేవీల కోసం సంబంధిత అధికారులకు మీ పాన్ వివరాలను అందించాల్సి ఉంటుంది. మ్యూచువల్ ఫండ్స్, డిబెంచర్లు, ఈక్విటీకి కూడా పాన్ కార్డ్ సమాచారం అవసరం.
ఫిక్స్‌డ్‌ డిపాజిట్‌లో 50 వేల రూపాయల కంటే ఎక్కువ పెట్టుబడి పెట్టాలనుకుంటే అప్పుడు పాన్ కార్డ్ అవసరం. ఎఫ్‌డీ వడ్డీ మొత్తంపై బ్యాంక్ టీడీఎస్‌ తీసివేయవచ్చు. అలాంటి సమయంలో ఇది అవసరం.
మీరు కొత్త ఫోన్ లేదా మొబైల్ కనెక్షన్ పొందాలనుకుంటే మీరు మీ పాన్ నంబర్‌ను సెల్యులార్ ఆపరేటర్లకు ఇవ్వాలి. నిబంధనలు మారుతున్న కారణంగా ఇలాంటి చోట్ల కూడా పాన్‌కార్డు అడుగుతున్నారు..రూ.5 లక్షల కంటే ఎక్కువ విలువైన నగలు కొనుగోలు చేసేందుకు పాన్ కార్డు వివరాలను అందించాలి..బ్యాంకుకు సంబందించిన ప్రతి వాటికి పాన్ తప్పనిసరి..
