ఇక ఇప్పుడు కాంగ్రెస్‌కు వచ్చిన ఈ చాన్స్‌ కూడా అదే సైకిల్‌లో భాగమేనని రేవంత్ విశ్వసిస్తున్నారు. అందుకే ఆయన చెబుతున్న “మరోసారి కాంగ్రెస్ే” అన్న మాటలో ఆత్మవిశ్వాసం కంటే ఎక్కువగా రాజకీయ అవగాహన దాగి ఉంది. అయితే ఈ సెంటిమెంట్ ఒక్కటే ప్రజాస్వామ్యంలో గెలుపునకు సరిపోదు. గతంలో రెండోసారి గెలిచిన పార్టీలకు ప్రజలు ఇచ్చిన పాజిటివ్ వేవ్‌, సమాజంలో ఉన్న ప్రత్యేక రాజకీయ సమీకరణాలు కూడా బలంగా దోహదపడ్డాయి. చంద్రబాబు నాయుడు రెండోసారి అధికారంలోకి రావడానికి అభివృద్ధి ఆధారమైన వేవ్‌ కారణమైంది. వైఎస్‌ రాజశేఖరరెడ్డి కాలంలో ప్రతిపక్ష ఓట్ల చీలిక సహకరించింది. బీఆర్ఎస్‌కి తెలంగాణ సెంటిమెంట్ గాలి తోడైంది. కాబట్టి రేవంత్ కూడా రెండోసారి గెలవాలంటే ఓ బలమైన ఎమోషనల్ ఫ్యాక్టర్‌ అవసరం. ప్రస్తుతానికి రేవంత్ పాలనపై పూర్తి దృష్టి పెట్టారు.
ప్రజలతో అనుసంధానం పెంచే ప్రాజెక్టులు, సంక్షేమ పథకాలు, పరిపాలనలో పారదర్శకతను ప్రాధాన్యంగా చూస్తున్నారు. రాజకీయ లాభం కోసం కాకుండా ప్రజలకు మేలు చేకూర్చే నిర్ణయాలపై దృష్టి కేంద్రీకరించారు. కానీ ఆయనకు అవసరమైనప్పుడు రాజకీయ మైలేజీ ఎలా పొందాలో బాగా తెలుసు. అసెంబ్లీ ఎన్నికలకు ఏడాది ముందు నుంచే ఆ వ్యూహాలు అమలులోకి వచ్చే అవకాశం ఉంది. మొత్తానికి, రేవంత్ రెడ్డి ఆత్మవిశ్వాసం వెనుక ఉన్న లాజిక్, రాజకీయ లెక్కలు, అనుభవం ఆయనను మరింత శక్తివంతమైన నాయకుడిగా నిలబెడుతున్నాయి. తెలంగాణలో రెండోసారి కాంగ్రెస్ అధికారంలోకి వస్తుందా అనే ప్రశ్నకు సమాధానం కాలమే చెప్పాలి కానీ, రేవంత్ చూపుతున్న ఆత్మవిశ్వాసం మాత్రం ఆయనకు భవిష్యత్తులో పెద్ద బలం అవుతుందని చెప్పడంలో సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి