ఈ సమస్యను సరైన సమయంలో గుర్తించిన తర్వాత చికిత్స తీసుకోలేకపోతే తీవ్రమైన శ్వాస ఇబ్బందులు, అలాగే వెన్నుముక నొప్పి, మెదడు, మూత్రపిండాల వైఫల్యానికి దారితీస్తుందంటూ వైద్యులు సైతం హెచ్చరిస్తున్నారు. దీని ఫలితంగా మరణించే అవకాశాలు లేదా రోగి కోమాలోకి వెళ్లే ప్రమాదం ఎక్కువగా ఉన్నట్లు అధికారులు తెలియజేస్తున్నారు. ఆంధ్రప్రదేశ్లోని చిత్తూరులో 379 మంది ఈ కేసు బారిన పడ్డట్టుగా గుర్తించారు. అలాగే కాకినాడలో 141, కడపలో 94, తిరుపతిలో 64, నెల్లూరు 86, విశాఖపట్నం 123, విజయనగరం 59, కర్నూల్ 42, అనకాపల్లి 41, అన్నమయ్య జిల్లా 32, గుంటూరు 31, శ్రీకాకుళం 34, అనంతపురం 68, నంద్యాల జిల్లాల 30 కేసుల నమోదయ్యాయి.
ఈ జ్వరాన్ని నార్మల్ యాంటీ బయోటిక్స్ తో నయం చేసే అవకాశాలు ఎక్కువగా ఉన్నప్పటికీ వీటిపైన సరైన అవగాహన లేకపోవడం వల్లే రోజురోజుకి కేసులు పెరుగుతున్నాయని అధికారులు తెలుపుతున్నారు. అయితే ఎవరికైనా జ్వరం తగ్గకపోయినా టైఫాయిడ్, మలేరియా, డెంగ్యూ వంటి పరీక్షలు చేయించుకోవాలని తెలుపుతున్నారు. అలాగే ఎవరికైనా శరీరం పైన నల్లని మచ్చలు లేదా దద్దుర్లు వంటివి కనిపిస్తే ఆలస్యం చేయకుండా ఎలీసా పరీక్ష చేయించుకోవడం ఉత్తమం అంటూ అధికారులు తెలియజేస్తున్నారు. చలికాలంలో ఇది ఎక్కువగా ఉన్నదని అందుకు తగ్గ జాగ్రత్తలు తీసుకోవాలని హెచ్చరిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి