ఇక సిరీస్ దక్కాలి అంటే ఖచ్చితంగా మిగిలిన రెండు వన్ డే లు గెలవాల్సి ఉంది. అందులో భాగంగా రెండవ వన్ డే రేపు హామిల్టన్ వేదికగా జరగనుంది. ఈ మ్యాచ్ లోనూ టాస్ గెలిచిన జట్టు ఛేజింగ్ చేయడానికి మొగ్గు చూపే అవకాశాలు ఉన్నాయి. ఈ మ్యాచ్ లో ఖచ్చితంగా న్యూజిలాండ్ ఫేవరెట్ అని చెప్పాలి, ఎందుకంటే బ్యాటింగ్ మరియు బౌలింగ్ రెండు విభాగాలలోనూ పటిష్టంగా ఉంది. ఇండియాకు విజయం దక్కాలంటే న్యూజిలాండ్ ఆటగాళ్లలో కెప్టెన్ విలియమ్సన్ మరియు కీపర్ లాతమ్ లను అడ్డుకోవాలి. ఎందుకంటే వీరిద్దరూ నెమ్మదిగా ఆడుతూనే మ్యాచ్ ను లాగేసుకుంటారు.
కాబట్టి ఇండియా కెప్టెన్ శిఖర్ ధావన్ తన అమ్ముల పొదిలో ఉన్న అన్ని అస్త్రాలను వాడుకుని వీరిని క్రీజులో కుదురుకోకుండా అవుట్ చెయ్యాలి. ఇక మ్యాచ్ కు ముందు వీరిద్దరి నెగేటివ్స్ ఏమిటన్నది తెలుసుకుని అందుకు తగినట్లుగా వనరులను వాడుకుని అవుట్ చెయ్యాలి. ఇక బౌలర్లు కూడా వికెట్ తీయడానికి అనువుగా బాల్స్ ను సంధించాలి. ఒకవేళ రేపు మ్యాచ్ లో ఓడిపోతే 2023 వన్ డే వరల్డ్ కప్ ముందు ఇండియా టీం యాజమాన్యం ముందు చాలా ప్రశ్నలు తలెత్తుతాయి.