కాశ్మీర్ గురించి తరచుగా నీచమైన కుట్రలు, ఆరోపణలు చేస్తున్న పాకిస్థాన్ మరోసారి విషం చిమ్ముతోంది. పాకిస్తాన్ విదేశాంగ మంత్రి షా మెహమూద్ ఖురేషి ఐక్యరాజ్యసమితికి మరొక లేఖ రాశారు, కనెక్టివిటీ కోసం "అనుకూలమైన వాతావరణాన్ని" సృష్టించాల్సిన బాధ్యత భారతదేశంపై ఉందని పేర్కొన్నారు. 2019 తర్వాత తీసుకున్న చర్యలను ఉపసంహరించుకోవాలని పేర్కొన్నారు. జమ్మూ కాశ్మీర్‌కు ప్రత్యేక హోదా ఇచ్చే రాజ్యాంగంలోని ఆర్టికల్ 370 లోని కొన్ని నిబంధనలను భారతదేశం రద్దు చేసిన రెండేళ్ల సందర్భంగా ఐక్యరాజ్య సమితి భద్రతా మండలి మరియు ఐక్యరాజ్యసమితి సెక్రటరీ జనరల్‌కు రాసిన లేఖలో ఖురేషి ఈ విషయాలని ప్రస్తావించారు. భారతదేశం ఆగష్టు 5, 2019న జమ్మూ కాశ్మీర్‌లో తీసుకున్న ఏకపక్ష మరియు చట్టవిరుద్ధమైన చర్యలను ఉపసంహరించుకోవాలని లేఖలో కోరినట్టు పాక్ విదేశాంగ కార్యాలయం తెలిపింది. సంబంధిత ఐక్యరాజ్యసమితి భద్రతా మండలి తీర్మానాలకు అనుగుణంగా జమ్మూ కాశ్మీర్ సమస్యకు సరైన పరిష్కారం మరియు దక్షిణ ఆసియాలో శాశ్వత శాంతి కోసం కాశ్మీరీ ప్రజల ఆకాంక్షలు అవసరమని లేఖలో పేర్కొంది.
