స్వతంత్ర నిపుణుల బృందంతో ప్రపంచ ఆరోగ్య సంస్థ ప్రతినిధులు వచ్చే వారం సమావేశం నిర్వహించనున్నారు. ఈ సమావేశంలో భారత్ బయోటెక్ సంస్థ తయారు చేసిన కోవాగ్జిన్ టీకా అంశంపై కీలక నిర్ణయం తీసుకోనున్నారు. కోవాగ్జిన్ వ్యాక్సిన్‌కు సంబంధించి మూడు దశల క్లీనికల్ ట్రయల్స్ డేటా, భద్రత, సామర్థ్యం, రోగ నిరోధకత వంటి అంశాలను డబ్ల్యూహెచ్‌వో ప్రతినిధులు చర్చించనున్నారు. పూర్తి సమీక్ష అనంతరం అత్యవసర వినియోగ జాబితాలో కోవాగ్జిన్ టీకాను చేర్చే అంశంపై ఒక ప్రకటన చేస్తారని భారత్ బయోటెక్ సంస్థ ప్రతినిధులు వెల్లడించారు. టీకా వినియోగానికి సంబందించిన ఎక్స్‌ప్రెస్ ఆఫ్ ఇంట్రెస్ట్ డేటాను భారత్ బయోటెక్ సంస్థ డబ్ల్యూహెచ్‌వో సంస్థకు సమర్పించింది. అదే సమయంలో వ్యాక్సిన్ డేటా రోలింగ్ ప్రక్రియను కూడా ప్రారంభించామన్నారు. ఫైజర్ సంస్థ కలిసి సీరమ్ ఇనిస్టిట్యూట్ ఆఫ్ ఇండియా ఉత్పత్తి చేసిన కోవిషీల్డ్ వ్యాక్సిన్ కూడా ప్రస్తుతం భారత్‌లో అందుబాటులో ఉంది. అయితే... కోవాగ్జిన్ పూర్తిగా స్వదేశీ సాంకేతిక పరిజ్ఞానంతో హైదరాబాద్‌లోని జీనోమ్ వ్యాలీలో అభివృద్ధి చేశారు.
