రీసెంట్ గా ఇచ్చిన ఒక ఇంటర్వ్యూలో ఆమె ఈ విషయాని బయటపెట్టింది. “నేను స్వయంగా ఒక స్క్రిప్ట్ రాస్తున్నా. ఇది నాకు చాలా సంవత్సరాలుగా ఉన్న డ్రీమ్” అని చెప్పిన విషయం ఇప్పుడు ఇండస్ట్రీలో హాట్ టాపిక్‌గా మారింది. అంటే కీర్తి డైరెక్షన్ వైపు అడుగులు వేస్తోందన్న మాట. కంగనా రనౌత్‌లా నటిస్తూ డైరెక్ట్ కూడా చేసే లేడీ మెగాఫోన్ జోన్‌లోకి దిగేందుకు కీర్తి సీరియస్‌గా సిద్ధమవుతోందని ఫిలింనగర్‌లో టాక్ నడుస్తోంది.
అయితే నటన చేస్తూనే డైరెక్షన్ హ్యాండిల్ చేయడం చిన్న విషయం కాదు. బాలీవుడ్‌లో అజయ్ దేవగన్, కంగనా రనౌత్ వంటి కొద్దిమంది మాత్రమే ఈ రెండు బాధ్యతలను సక్సెస్‌ఫుల్‌గా బ్యాలెన్స్ చేశారు. ఇప్పుడు వారి లిస్ట్‌లోకి చేరేందుకే కీర్తి భారీగా ప్రయత్నాలు చేస్తున్నట్లు తెలుస్తోంది.‘మహానటి’లో సావిత్రి గారి లాంటి గొప్ప నటి పాత్రను అద్భుతంగా పోషించి ప్రేక్షకుల హృదయాల్లో స్థానం సంపాదించిన కీర్తి, ఇప్పుడు నిజ జీవితంలో కూడా సావిత్రి గారి ప్రయాణాన్ని తలపించేలా డైరెక్షన్ వైపు అడుగులు వేయడం యాదృచ్ఛికమైనప్పటికీ చాలా ఆసక్తికరం. నటిగా ఇప్పటికే తన ప్రతిభను రుజువు చేసుకున్న కీర్తి, డైరెక్టర్‌గా కూడా అదే స్థాయిలో మెప్పిస్తుందా అన్న ఆసక్తి ఫ్యాన్స్‌లో పెరుగుతోంది.
ఇలా వరుస ప్రాజెక్టులు, మేకింగ్‌పై కొత్త దృష్టి, స్వయంగా రాస్తున్న స్క్రిప్ట్—ఇవి అన్నీ కలిపి కీర్తి కెరీర్‌లో కొత్త అధ్యాయానికి నాంది పలుకుతున్నాయి. ఫ్యాన్స్ ఎప్పటి నుంచో ఎదురు చూస్తున్న “గుడ్ న్యూస్” ఇదే అని చెప్పొచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి