ఇక్కడ ఇలాంటి తరహా ఘటన జరిగింది. కోల్కతాకు పశ్చిమాన 40 కిలోమీటర్ల దూరంలో ఉన్న హౌరా జిల్లాలో దారుణ ఘటన వెలుగులోకి వచ్చింది అనే చెప్పాలి.. ముడాలగి బస్టాండ్ సమీపంలో డ్రైనేజీలో ఏవో బాక్సులు తేలడానికి గమనించారు చెత్త ఏరుకునే వ్యక్తులు. అయితే ఆ బాక్సులు కాస్త అనుమానాస్పదంగా కనిపించడంతో లోపల ఏముంది అని తెలుసుకునేందుకు ప్రయత్నించారు. చివరికి ఆ బాక్సులను ఓపెన్ చేసి చూడగా లోపల పసికందు పిల్లల మృతదేహాలు ఉండడం చూసి ఒక్కసారిగా అవాక్కయ్యారు. దీంతో వెంటనే పోలీసులకు సమాచారం అందించారు.
దీంతో సంఘటన స్థలానికి చేరుకున్న పోలీసులు, జిల్లా పౌర ఆరోగ్య శాఖ అధికారులు మొత్తం ఐదు బాక్స్ లో 18 పిండాలను స్వాధీనం చేసుకున్నారు. వాటిని పోస్టుమార్టం నిర్వహించడం కోసం ఆస్పత్రికి తరలించారు అన్నది తెలుస్తుంది. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. అయితే సదరు పిండాలు కనిపించినా డంపింగ్ గ్రౌండ్ కు రెండు కిలోమీటర్ల దూరంలో దాదాపు 30 హాస్పిటల్స్ తో పాటు నర్సింగ్ హోమ్ లు కూడా ఉన్నాయి అన్న విషయాన్ని స్థానికులు చెబుతున్నారు. ఈ ఘటన స్థానికంగా సంచలనం గా మారిపోయింది అని చెప్పాలి.