అయితే ఇటీవలి కాలంలో దొంగలు ఎక్కువగా ఆలయాలనే టార్గెట్ గా చేసుకుంటున్నారు. వివిధ ఆలయాలను టార్గెట్ గా చేసుకుని బంగారు ఆభరణాలను నగదును ఎత్తుకెళ్లటం లాంటి ఘటనలు కూడా ఇటీవల కాలంలో వెలుగులోకి వస్తున్నాయి. దేవుడి గుడిలో దొంగతనాలకు పాల్పడేందుకు కూడా ఎక్కడా భయపడటం లేదు. అయితే సాధారణంగా ఏదైనా పని చేసేటప్పుడు ఆ పని సవ్యంగా జరగాలని ఆ దేవుడిని మొక్కుకుంటూ ఉంటారు అందరూ. ఇక్కడ ఓ దొంగ కూడా ఇలాంటి ఆనవాయితీ పాటించి షాకిచ్చాడు. అమ్మవారి గుడి లోనే దొంగతనానికి వెళ్లి ఏకంగా పని సవ్యంగా జరగాలని అమ్మవారిని మొక్కుకున్నాడు.
ఖమ్మం జిల్లా కేంద్రంలోని నాల్గవ డివిజన్ అంకమ్మ ఆలయం లో ఈ ఘటన జరిగింది. అక్టోబర్ 31వ తేదీన అర్ధరాత్రి సమయంలో ప్రధాన ద్వారం తాళం పగలగొట్టిన దొంగ నగదును దొంగలించాడు. అయితే ఇలా చోరీ చేయడానికి వచ్చిన సమయంలో చోరీ ప్రారంభించడానికి ముందు ఏకంగా అక్కడ ఉన్న అమ్మవారికి నమస్కరించాడు. పని మొత్తం సవ్యంగా జరగాలి అంటూ కోరుకున్నాడు. ఇక ఇదంతా సీసీ కెమెరాల్లో రికార్డయింది. అయితే తర్వాత రోజు ఇక దేవస్థానం కమిటీ అధ్యక్షుడు భాస్కర్ పోలీసులకు ఈ ఘటనపై ఫిర్యాదు చేశారు కేసు నమోదు చేసుకున్న పోలీసులు దర్యాప్తు చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి