ఇలా క్షణికావేశంలో మనుషులు ప్రవర్తిస్తున్న తీరు అనుబంధాలను ఛిద్రం చేస్తున్నాయి. ఇక్కడ ఇలాంటి తరహా ఘటన జరిగింది. ఏకంగా బెట్టింగ్ విషయాలను ఎక్కడ బయట పడతాడో అని భయపడి పోయిన తండ్రి రక్తం పంచుకుని పుట్టిన కుమారుడు పై ఉన్న ప్రేమను మరచి పోయాడు. కిరాతకుడిగా మారిపోయి దారుణంగా హత్య చేశాడు. ఈ ఘటన కోలారు తాలూకా లో వెలుగులోకి వచ్చింది. చిక్కబల్లపుర జిల్లా చింతామణి తాలూకు మధుర కళ్ళు కు చెందిన నిఖిల్ కుమార్ అనే పన్నెండేళ్ల బాలుడు హత్యకు గురయ్యాడు. ఈ ఘటనపై కేసు నమోదు చేసుకున్న పోలీసులు హత్యకు సూత్రధారి పాత్రధారి నిఖిల్ కుమార్ తండ్రి మణికంఠప్ప అనే విషయాన్ని తేల్చారు.
ఇటీవలే ఐపీఎల్ జరిగిన సమయంలో పెద్ద ఎత్తున బెట్టింగ్ డబ్బులు పోగొట్టుకున్నాడు మణికంఠప్ప. ఇటీవలే ఈ విషయం కుమారుడికి తెలిసింది. కొడుకు ఈ విషయాలను బయటకు చెబితే ఏం జరుగుతుందో అని భయపడి పోయాడు మణికంఠప్ప. ఈ క్రమంలోనే కుమారుని గొంతునులిమి దారుణంగా హత్య చేశాడు. సమీపంలో ఉన్న చెరువులో కుమారుడు మృతదేహాన్ని పడేసి ఏమీ తెలియనట్లుగా పోలీస్ స్టేషన్కు వెళ్లి కుమారుడు కనిపించడం లేదని ఫిర్యాదు చేశాడు. ఇక చెరువులో బాలుడు మృతదేహం లభ్యం కావడంతో పోలీసులు తండ్రిపై అనుమానం వ్యక్తం చేసి విచారణ జరపగా ఇక అసలు హంతకుడి తండ్రి అన్న విషయం తేలింది.
