ఇకపై తెలంగాణ రాష్ట్రంలో డిగ్రీలో కొత్తగా వచ్చే కోర్సులన్నీ కూడా నాలుగేళ్ల కాలపరిమితితో (ఆనర్స్‌ డిగ్రీ కోర్సులు) ఉండబోతున్నాయి. వచ్చే విద్యాసంవత్సరం నుంచే దీన్ని దశల వారీగా అమలు చేయబోతున్నట్లు ఉన్నత విద్యామండలి కీలక నిర్ణయాన్ని తీసుకోవడం జరిగింది.జాతీయ విద్యా విధానం 2020 వ సంవత్సరంలో భాగంగా ఉన్నత విద్యలో ఈ మేరకు మార్పులు చేయనున్నారు. సాధారణ డిగ్రీ కోర్సుల ప్లేస్ లో ఆనర్స్‌ కోర్సులను ప్రవేశపెట్టాల్సిన అవసరాన్ని యూనివర్సిటీ గ్రాంట్స్‌ కమిషన్‌ (యూజీసీ) అన్ని రాష్ట్రాలకు తెలిపింది.దీనిపై ఈమధ్య యూజీసీ చైర్మన్‌ ప్రొఫెసర్‌ జగదీశ్‌ కుమార్‌ పలు రాష్ట్రాలతో సంప్రదింపులు జరిపి సాధ్యాసాధ్యాలపై నివేదికను కోరినట్టు అధికార వర్గాలు కూడా తెలిపాయి. ఈ విషయమై యూజీసీ చైర్మన్‌ తో ఉన్నల విద్యా మండలి చైర్మన్‌ ప్రొఫెసర్‌ ఆర్‌ లింబాద్రి చర్చించడం జరిగింది. త్వరలో ఆనర్స్‌ కోర్సులపై అన్ని యూనివర్సిటీల వీసీలతో చర్చించాలని కూడా నిర్ణయించింది.ఇక రాష్ట్రవ్యాప్తంగా దాదాపు 2.20 లక్షల మంది డిగ్రీ కోర్సుల్లో చేరుతున్నారు. వీరిలో ఎంత మంది విద్యార్ధులు నాలుగేళ్ల కోర్సులను చదివేందుకు ఇష్టపడతారనే దానిపై అధ్యయనం చేసిన తర్వాత కాలేజీల్లో ఆనర్స్‌ కోర్సులను ప్రవేశపెట్టాలని వారు ఎంతగానో భావిస్తున్నారు.


మహిళా విశ్వవిద్యాలయం ఇంకా ఉస్మానియా యూనివర్సిటీ పరిధిలో పొలిటికల్‌ సైన్స్ అలాగే బీకాం ఆనర్స్‌ కోర్సులను ఇప్పటికే ప్రవేశపెట్టారు. ఇదే తరహాలో ఓయూ పరిధిలో లైఫ్‌సైన్స్‌ కోర్సును ఆనర్స్‌గా తేవాలనే ఆలోచనలో కూడా మండలి ఉంది. ఇక ఆనర్స్‌ కోర్సులు తీసుకున్న వారికి పారిశ్రామిక శిక్షణ తప్పనిసరి చేయాలని కూడా ప్రతిపాదించారు.మూడు సంవత్సరాల కోర్సు తర్వాత నాలుగో సంవత్సరం విద్యార్థులు అమెరికా, యూకే, సింగపూర్, కెనడా వంటి దేశాలకు వెళ్లి అక్కడి సంస్థల్లో కోర్సు చేసేలా ఈ కోర్సును డిజైన్‌ చేస్తున్నారు.అలాగే డిగ్రీతోనే సాఫ్ట్‌వేర్‌ ఉద్యోగాలకు అనువైన కోర్సులు అందించనున్నారు. డిగ్రీ తర్వాత నేరుగా సాఫ్ట్‌వేర్‌ ఉద్యోగాలు వచ్చేలా కంప్యూటర్‌ కోర్సులను ఆనర్స్‌గా అందించాలని డిసైడ్ చేశారు. బీఎస్సీ ఆనర్స్‌ పేరుతో తెచ్చే ఈ కోర్సుల్లో కంప్యూటర్‌ సైన్స్‌ను యాడ్ చేయబోతున్నారు. అలాగే సైబర్‌ సెక్యూరిటీ, ఆర్టిఫిషియల్‌ ఇంటెలిజెన్స్ ఇంకా డేటా సైన్స్‌ కోర్సులనూ తెచ్చే యోచనలో ఉన్నారు. బీఎస్సీ (ఆనర్స్‌)లో చేరి మూడేళ్లు కనుక చదివితే డిగ్రీ పట్టా ఇవ్వాలని, నాలుగేళ్లు పూర్తి చేస్తే ఆనర్స్‌ డిగ్రీ పట్టా ఇవ్వాలని కూడా భావిస్తున్నారు.

మరింత సమాచారం తెలుసుకోండి:

Purushottham Vinay

21/04/2023 12:10 PM