ఊపిరితిత్తులను శుభ్రపరిచే ఆహారాల గురించి ఇప్పుడు మనం తెలుసుకుందాం.వీటిని తింటే ఊపిరితిత్తులు శుభ్రపడతాయి.తేనె ఆరోగ్యానికి చాలా విధాలుగా మేలు చేస్తుంది. తేనెలో ఉండే యాంటీ బ్యాక్టీరియల్ గుణాలు శరీరంలో రోగనిరోధక శక్తిని పెంపొందిస్తాయి. అందుకే జలుబు ఉంటే తేనె తినమని వైద్యులు సలహా ఇస్తారు. రోగనిరోధక శక్తిని పెంచడానికి, ఊపిరితిత్తులను ఆరోగ్యంగా ఉంచడానికి ప్రతిరోజూ ఒక చెంచా తేనెను గోరువెచ్చని నీటిలో కలుపుకుని తాగితే మంచి ప్రయోజనాలు పొందవచ్చు.అలాగే పసుపును వంటల్లో ఉపయోగించడం మాత్రమేకాకుండా కావాలంటే పచ్చి పసుపు ముక్కను నోట్లో వేసుకుని నమలవచ్చు లేదా పాల్లో కలుపుకుని తాగవచ్చు. కానీ పచ్చి పసుపు తింటే మాత్రం రోజూ మళ్లీమళ్లీ తినాల్సిన పనిలేదు. వారానికి 3-4 రోజులు తింటే సరిపోతుంది.పసుపు శ్వాసకోశ సమస్యలను తగ్గించడానికి సహజ నివారిణిగా పనిచేస్తుంది. ప్రతి రోజు శరీరంలో కొంత మొత్తంలో పసుపు వెళ్లడం వల్ల ఊపిరితిత్తులను శుభ్రంగా ఉంచుకోవచ్చు.


 పసుపు రోగనిరోధక శక్తిని పెంచడానికి కూడా సహాయపడుతుంది.అలాగే ప్రతిరోజూ కొద్దిగా అల్లం తినడం అలవాటు చేసుకోవాలి. అల్లం జలుబు, దగ్గుకు సహజ నివారిణిగా పనిచేస్తుంది. శ్వాసకోశంలోని అన్ని విషపదార్ధాలను బయటకు పంపడానికి ఇది సహాయపడుతుంది. ఇందులో విటమిన్లు, ఖనిజాలు, పొటాషియం, మెగ్నీషియం, జింక్ వంటివి పుష్కలంగా ఉంటాయి. పచ్చి అల్లం మాత్రమే ప్రయోజనకరంగా ఉంటుందని అనుకోవడం పొరపాటే. వంటలో అల్లం జోడించి తినవచ్చు లేదా అల్లం టీ లేదా సలాడ్‌లలో కూడా వేసుకోవచ్చు. అల్లం ఎలా తిన్నా ఊపిరితిత్తులకు మేలు చేస్తుంది.వీటిని తింటే ఊపిరితిత్తులు శుభ్రపడతాయి.ఈ రోజుల్లో మన ఊపిరితిత్తులను ఆరోగ్యంగా ఉంచుకోవడం పెద్ద సవాలుగా మారుతోంది. అయితే పైన పేర్కొన్న ఆహారాలను మీ మెనులో చేర్చుకుంటే నేచురల్‌గా మీ ఊపిరితిత్తులు శుభ్రంగా ఉంటాయి. అలాగే రోగనిరోధక శక్తి కూడా పెరుగుతుంది. కాబట్టి ఖచ్చితంగా వాటిని ఆహారంలో భాగం చేసుకోండి. సంపూర్ణ ఆరోగ్యంగా ఉండండి.

మరింత సమాచారం తెలుసుకోండి:

Health Tips

Purushottham Vinay

01/03/2024 09:04 PM