తమన్నా ప్రస్తుతం ఐటమ్ సాంగ్స్కు 'గోల్డెన్ లెగ్'గా మారింది. 'స్త్రీ 2' లోని ఆజ్ కీ రాత్ సాంగ్ ఎంతటి సెన్సేషన్ క్రియేట్ చేసిందో మనకు తెలిసిందే. అందుకే 'ధురంధర్' కొరియోగ్రాఫర్ విజయ్ గంగూలీ కూడా తమన్నాని ఈ పాట కోసం మొదట అనుకున్నారు.కొరియోగ్రాఫర్ తమన్నా పేరును సూచించినప్పటికీ, దర్శకుడు ఆదిత్య ధర్ అందుకు నో చెప్పారు. ఆయనకు కేవలం ఒక ఐటమ్ సాంగ్ మాత్రమే కాకుండా, కథలో భాగంగా సాగే పాట కావాలని అనుకున్నారు.ఒకవేళ తమన్నా లాంటి పెద్ద స్టార్ ఈ పాటలో ఉంటే, ప్రేక్షకుల దృష్టి మొత్తం ఆమెపైనే ఉంటుందని, దీనివల్ల కథలోని అసలు పాయింట్ పక్కకు వెళ్లే ప్రమాదం ఉందని దర్శకుడు భావించారు. తమన్నా స్థానంలో ఈ సాంగ్లో ఇద్దరు నటీమణులు ఆయేషా ఖాన్ మరియు క్రిస్టల్ డిసౌజా కనిపించారు. ఈ మార్పు వల్ల సాంగ్ అందంగా రావడమే కాకుండా, కథా గమనానికి ఆటంకం కలగలేదని చిత్ర యూనిట్ చెబుతోంది.ఈ సినిమా ఇండియన్ బాక్సాఫీస్ వద్ద సునామీ సృష్టిస్తోంది.రణవీర్ సింగ్, అక్షయ్ ఖన్నా, సంజయ్ దత్, ఆర్. మాధవన్ మరియు అర్జున్ రాంపాల్ వంటి భారీ తారాగణం ఈ సినిమాలో ఉంది. 'బాహుబలి 2' నెలకొల్పిన 8 ఏళ్ల నాటి రికార్డులను కూడా ఈ సినిమా బద్దలు కొట్టినట్లు ట్రేడ్ వర్గాల సమాచారం.
ఈ సినిమాకు సీక్వెల్ 'ధురంధర్ 2' మార్చి 19, 2026న విడుదల కాబోతోంది.తమన్నా సినిమాల కంటే కూడా ఇప్పుడు ఐటమ్ సాంగ్స్ కే ఎక్కువ డిమాండ్ ఉంది.ఒక్కో ఐటమ్ సాంగ్కు ఆమె దాదాపు రూ. 1 కోటి నుండి రూ. 5 కోట్ల వరకు రెమ్యునరేషన్ తీసుకుంటున్నట్లు టాక్.'ఓదెల 2' వంటి సినిమాల్లో నటిస్తూనే, వరుసగా స్పెషల్ నంబర్స్ చేస్తూ 35 ఏళ్ల వయసులోనూ అదిరిపోయే క్రేజ్ సొంతం చేసుకున్నారు.తమన్నా ఈ సాంగ్లో లేకపోయినా, 'షరారత్' పాట ప్రస్తుతం చార్ట్బస్టర్గా నిలిచింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి