జుట్టు ఆరోగ్యానికి సరైన పోషకాహారం చాలా ముఖ్యం. విటమిన్లు, మినరల్స్, ప్రొటీన్లు సమృద్ధిగా ఉండే ఆహారం తీసుకోవాలి. ముఖ్యంగా విటమిన్ A, C, E, ఐరన్, జింక్ మరియు బయోటిన్ ఎక్కువగా ఉండే ఆహారాలు తీసుకోవాలి. పాలు, గుడ్లు, చేపలు, ఆకుకూరలు, పండ్లు, నట్స్ మరియు విత్తనాలు మీ డైట్ లో ఉండేలా చూసుకోండి.
కొబ్బరి నూనె జుట్టు రాలడాన్ని తగ్గించడంలో చాలా ఉపయోగపడుతుంది. కొబ్బరి నూనెలో ఉండే ఫ్యాటీ యాసిడ్స్ జుట్టుకు పోషణనిచ్చి, కుదుళ్లను బలోపేతం చేస్తాయి. వారానికి రెండు సార్లు తలకు కొబ్బరి నూనెతో మసాజ్ చేయడం వల్ల రక్త ప్రసరణ మెరుగుపడుతుంది. దీంతో జుట్టు పెరుగుదల మెరుగుపడుతుంది. ఉల్లిపాయలో ఉండే సల్ఫర్ జుట్టు కుదుళ్లకు పోషణనిస్తుంది. ఉల్లిపాయ రసాన్ని తలకు పట్టించి అరగంట తర్వాత గోరువెచ్చని నీటితో తలస్నానం చేయాలి. ఇలా క్రమం తప్పకుండా చేయడం వల్ల జుట్టు రాలడం తగ్గుతుంది.
మందార పువ్వులు, ఆకులను నూరి పేస్ట్ లా చేసి తలకు పట్టిస్తే జుట్టు ఆరోగ్యంగా ఉంటుంది. మందారలో ఉండే పోషకాలు జుట్టు కుదుళ్లను బలోపేతం చేసి, జుట్టు రాలడాన్ని తగ్గిస్తాయి. అధిక ఒత్తిడి జుట్టు రాలడానికి ఒక ప్రధాన కారణం. యోగా, ధ్యానం మరియు వ్యాయామం చేయడం ద్వారా ఒత్తిడిని తగ్గించుకోవచ్చు. ఈ చిట్కాలను పాటిస్తూ సరైన నిద్ర, ఆరోగ్యకరమైన జీవనశైలిని అనుసరిస్తే జుట్టు రాలే సమస్యను తగ్గించుకోవచ్చు. ఈ చిట్కాలు పాటించడం వల్ల మంచి ఫలితాలు ఉంటాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి