వార్నీ.. రిద్ధి కుమార్ కి ప్రభాస్ చీర ఇచ్చింది అందుకా ..? ఆ స్పెషల్ గిఫ్ట్ వెనుక ఉన్న అసలు కథ ఇదే..!
రిద్ధి కుమార్ వ్యాఖ్యలే రూమర్లకు కారణమా?
ప్రీ-రిలీజ్ ఈవెంట్ వేదికపై రిద్ధి కుమార్ మాట్లాడుతూ,“ప్రభాస్ గారు నాకు ఒక అందమైన చీరను బహుమతిగా ఇచ్చారు. ఆ చీరను నేను మూడేళ్లుగా ఎంతో జాగ్రత్తగా దాచుకున్నాను. ఈ ప్రత్యేకమైన రోజునే కట్టుకోవాలని అప్పటి నుంచే నిర్ణయించుకున్నాను” అని వెల్లడించారు.అంతేకాకుండా,“నా జీవితంలో మిమ్మల్ని (ప్రభాస్ను) పొందడం నా అదృష్టం. నేను ఈ సినిమాలో ఉన్నానంటే దానికి కారణం మీరే” అంటూ ప్రభాస్పై తనకున్న అభిమానాన్ని, గౌరవాన్ని స్పష్టంగా తెలియజేశారు.ఈ మాటలు చెప్పేటప్పుడు ఆమె చాలా ఎమోషనల్గా కనిపించడం, ప్రభాస్ ఇచ్చిన బహుమతిని మూడేళ్లుగా దాచుకున్నానని చెప్పడం… ఇవన్నీ కలిపి నెటిజన్లలో రకరకాల అనుమానాలకు దారి తీసాయి.
ఇదివరకే ‘రాధే శ్యామ్’ సినిమాలో ప్రభాస్ – రిద్ధి కుమార్ కలిసి నటించారు. ఇప్పుడు మరోసారి ‘ది రాజా సాబ్’ సినిమాలో కూడా కలిసి కనిపించడంతో, వీరిద్దరి మధ్య ఏదో ప్రత్యేక బంధం ఉందని సోషల్ మీడియాలో ప్రచారం మొదలైంది.ప్రభాస్ కంటే రిద్ధి కుమార్ సుమారు 19 ఏళ్లు చిన్నది కావడం, ఆమె ప్రభాస్ను ఎంతో అభిమానంతో ప్రశంసించడం వంటి అంశాలను చూపిస్తూ, సోషల్ మీడియాలో కొందరు వీరిద్దరినీ ‘కొత్త జోడీ’ అంటూ ఫోటోలు షేర్ చేస్తున్నారు. కొంతమంది అయితే డేటింగ్ చేస్తున్నారంటూ హడావుడి చేస్తున్నారు.
అసలు నిజం ఏమిటి?
ఈ రూమర్లపై ప్రభాస్ అభిమానులు మాత్రం క్లియర్గా స్పందిస్తున్నారు. ప్రభాస్కు తనతో కలిసి పనిచేసే నటీనటులకు, టెక్నీషియన్లకు, సెట్లో ఉన్న ప్రతి ఒక్కరికీ ఖరీదైన బహుమతులు ఇవ్వడం అలవాటు అన్న విషయం ఇండస్ట్రీలో అందరికీ తెలిసిందే. షూటింగ్ సమయంలో రకరకాల వంటకాలతో విందు ఇవ్వడం కూడా ఆయన ప్రత్యేకత. దీనినే అందరూ ప్రేమగా ‘ప్రభాస్ ఆతిథ్యం’ అని పిలుస్తారు.అలాంటి సందర్భంలో రిద్ధి కుమార్కు ఇచ్చిన చీర కూడా ఒక సాధారణ గిఫ్ట్ మాత్రమే అయ్యి ఉండొచ్చని అభిమానులు చెబుతున్నారు. ఆమె తన అభిమానాన్ని, కృతజ్ఞతను భావోద్వేగంగా వ్యక్తం చేయడం వల్లే ఈ రూమర్లు పుట్టుకొచ్చాయని వారు అభిప్రాయపడుతున్నారు.
ఈ డేటింగ్ వార్తలపై ఇప్పటివరకు ప్రభాస్ టీమ్ గానీ, రిద్ధి కుమార్ గానీ ఎలాంటి అధికారిక స్పందన ఇవ్వలేదు. అయితే ప్రభాస్ అభిమానులు మాత్రం ఈ వార్తలను పూర్తిగా ఖండిస్తున్నారు. “రిద్ధి కుమార్తో ప్రభాస్ డేటింగ్ చేస్తున్నారన్నది కేవలం రూమర్ మాత్రమే. అందులో ఎటువంటి నిజం లేదు” అని ఫ్యాన్స్ స్పష్టంగా చెబుతున్నారు. సూపర్ స్టార్ ప్రభాస్ వ్యక్తిగత జీవితం ఎప్పుడూ వార్తల్లో ఉండడం కొత్తేమీ కాదు. కానీ ఈసారి రిద్ధి కుమార్ చేసిన ఎమోషనల్ వ్యాఖ్యలను ఆధారంగా చేసుకుని అనవసర రూమర్లు పుట్టుకొచ్చాయి. వాస్తవానికి ఇది ప్రభాస్ సహృదయానికి, ఆయన మంచితనానికి మరో ఉదాహరణ మాత్రమే అని చెప్పొచ్చు. అధికారికంగా ఎలాంటి ప్రకటన లేకపోవడంతో, ఈ డేటింగ్ వార్తలను రూమర్లుగానే చూడాలని అభిమానులు సూచిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి