అయితే కొంతమంది మాత్రం ఈ ఫోటోషూట్ పై పెదవి విరుస్తున్నారు. అందులో షారుఖ్ ఫొటోకు గ్రాఫిక్స్ యాడ్ చేసినట్లుగా ఉందని విమర్శిస్తున్నారు. దానికి కారణం లేకపోలేదు. షారుఖ్ సాధారణంగా కనిపించే దానికన్నా భిన్నంగా ఈ ఫోటోషూట్ లో కనిపిస్తున్నాడు. ఆ భారీ కండలు చూస్తుంటే అది కూడా నిజమేనని అన్పిస్తోంది. ఇక మరికొంతమంది అయితే షారుఖ్ ఈ పిక్ కోసం ఇచ్చిన ఎక్స్‌ప్రెషన్‌ చూసి "ఎవరైనా అంబులెన్స్ పిలవండి" అంటూ సెటైర్లు పేలుస్తున్నారు. సాధారణంగా డబ్బూ రత్నాన్ని ఫోటోషూట్ లకు మంచి క్రేజ్ ఉంది. ఎందుకంటే దాదాపు స్టార్స్ అంతా ఈ ఫోటోషూట్ కోసం బోల్డ్ గా దర్శనం ఇస్తారు. అయితే ఇలా ట్రోలింగ్ జరగడం మాత్రం సాధారణం కాదు. ఇక షారుఖ్ ఖాన్ వరుస ఫ్లాపుల అనంతరం చాలా రోజులుగా సినిమా ఇండస్ట్రీకి దూరంగా ఉన్నారు. త్వరలోనే ప్రముఖ తమిళ దర్శకుడు అట్లీ డైరెక్షన్ లో షారుఖ్ ఖాన్ హీరోగా, నయనతార హీరోయిన్ గా సినిమా రూపొందనున్నట్టు వార్తలు వస్తున్నాయి.
