పాన్ ఇండియా సినిమాగా రిలీజైన విక్రం సినిమా పోటీగా మేజర్ లాంటి సినిమా వచ్చినా సరే రేసులో నిలబడ్డది. ఈ క్రమంలో కమల్ సినిమా సత్తా ఏంటన్నది విక్రం సినిమాతో తెలుస్తుంది. ఇదిలాఉంటే కమల్ విక్రం చూసిన మెగా ఫ్యాన్స్ చిరంజీవికి కూడా ఇలాంటి ఓ మాస్ హిట్ అవసరమని అంటున్నారు. చిరు వరుస సినిమాలు చేస్తున్నా అందులో ఏది అంత పెద్ద సీరియస్ సబ్జెక్ట్ కాదు సీరియస్ గా తీసిన ఆచార్య కాస్త తుస్సుమన్నది.
మెగా ఫ్యాన్స్ మాత్రం మా మెగాస్టార్ కోసం ఓ విక్రం సినిమా కావాలని అంటున్నారు. అయితే కె.ఎస్ రవీంద్ర డైరక్షన్ లో వస్తున్న వాల్తేరు వీరయ్య సినిమా దాదాపు మెగా ఫ్యాన్స్ కోరుకునే మాస్ అంశాలన్నిటితో వస్తుందని అంటున్నారు. ఆ సినిమా తప్పకుండా మెగా ఫ్యాన్స్ ఆకలి తీర్చుతుందని టాక్. ఇంకా లూసిఫర్ రీమేక్ గా వస్తున్న గాడ్ ఫాదర్ కూడా స్టైలిష్ ఎంటర్టైనర్ గా ఉంటుందని అంటున్నారు. మొత్తానికి తెలుగులో లోకేష్ కనగరాజ్ లాంటి డైరక్టర్ ఎవరు లేరని.. అలాంటి ఓ మాస్ కథతో చిరుతో సినిమా చేయాలని మెగా ఫ్యాన్స్ కోరుతున్నారు. మరి మెగాస్టార్ వారి కోరిక మేరకు అలాంటి ఓ ఫుల్ లెంగ్త్ మాస్ కథకు ఓకే చెబుతారేమో చూడాలి.